കൊല്ലം: അ​ന്യ​രു​ടെ ദുഃഖം സ്വ​ന്തം ദുഃഖ​മാ​യി ഏ​റ്റെ​ടു​ത്ത് അ​വ​രോ​ടൊ​പ്പം നി​ൽക്കു​ക മ​ഹ​ത്താ​യ സേ​വ​ന​മാ​ണെ​ന്ന് മലയാളം സർവകലാശാല സ്ഥാപക വൈസ് ചാൻസലർ കെ. ജ​യ​കു​മാർ പറഞ്ഞു. സർ​ക്കാ​രി​നെ​യും മ​റ്റു​ള്ള​വ​രെ​യും പ​ഴി പ​റ​യാ​തെ ബു​ദ്ധി​മു​ട്ട് അ​നു​ഭ​വി​ക്കു​ന്ന​വർ​ക്ക് വേ​ണ്ടി സ്വ​യം പ്ര​വർ​ത്തി​ക്കാൻ മു​ന്നോ​ട്ടു വരു​ന്ന​വ​രോ​ടൊ​പ്പം നി​ൽ​ക്കാൻ സ​മൂ​ഹം ത​യ്യാ​റാ​ക​ണ​മെ​ന്ന് ജ​യ​കുമാർ പ​റ​ഞ്ഞു. 18 വ​യ​സിൽ താ​ഴെ​യു​ള്ള ദീർ​ഘ​കാ​ലരോ​ഗം ബാ​ധി​ച്ച കു​ട്ടി​ക​ളു​ടെ സം​ര​ക്ഷ​ണ​ത്തി​നായി പ്ര​വർ​ത്തി​ക്കു​ന്ന 'സൊ​ലസ്' എ​ന്ന സം​ഘ​ട​ന​യു​ടെ കൊ​ല്ലം യൂ​ണി​റ്റ് ഉ​ദ്​ഘാ​ട​നം ചെയ്യുകയായിരുന്നു അദ്ദേഹം.
രോ​ഗ​ത്തി​നും ദുഃ​ഖ​ത്തി​നും ജാ​തി മ​ത വ്യ​ത്യാ​സ​ങ്ങ​ളില്ലെന്നും രോ​ഗം ബാ​ധി​ച്ച കു​ട്ടി​ക​ളെ​യും അ​വ​രു​ടെ കു​ടും​ബ​ങ്ങ​ളെ​യും ചേർ​ത്തുപി​ടി​ക്കു​ന്ന സൊ​ല​സ് മ​ഹ​ത്താ​യ സ​ന്ദേ​ശ​മാ​ണ് ന​ൽ​കു​ന്ന​തെ​ന്നും യോ​ഗ​ത്തിൽ സ്‌​നേ​ഹ​സ​ന്ദേ​ശം ന​ൽകി​യ എ​ഴു​ത്തു​കാ​രി ഒ.വി. ഉ​ഷ പ​റ​ഞ്ഞു.

ക​ട​പ്പാ​ക്ക​ട സ്‌​പോർ​ട്‌​സ് ക്ല​ബ് ഹാ​ളിൽ ന​ട​ന്ന സ​മ്മേ​ള​ന​ത്തിൽ ടി.കെ. വി​നോ​ദൻ അദ്ധ്യ​ക്ഷ​ത വ​ഹി​ച്ചു. ഡോ. ബി​ന്ദു, ഡോ. അ​നി വ​സ​ന്ത എ​ന്നി​വർ സം​സാ​രി​ച്ചു. സൊലസ് കൊല്ലം യൂണിറ്റ് കൺവീനർ ഡോ. അ​നി​താ ശ​ങ്കർ സ്വാ​ഗ​ത​വും വിൽ​സൺ ജോൺ ന​ന്ദി​യും പ​റ​ഞ്ഞു. പ്രൊ​ഫ. എം.കെ. സാ​നു, സൊ​ല​സ് സ്ഥാ​പ​ക ഷീ​ബ അ​മീർ എ​ന്നി​വ​രു​ടെ വീ​ഡി​യോ സ​ന്ദേ​ശ​ങ്ങൾ ച​ട​ങ്ങിൽ പ്ര​ദർ​ശി​പ്പി​ച്ചു.