ഓ​ച്ചി​റ: കളിക്കളത്തിൽ പന്തുകൾ സ്മാഷ് ചെയ്ത വീര്യത്തോടെ രോഗത്തോടും പൊരുതിയ മാത്യൂസ് വിടവാങ്ങി. തി​രു​വ​ന​ന്ത​പു​രം ആർ.സി.സി​യി​ലും വെ​ല്ലൂർ മെ​ഡി​ക്കൽ കോ​ളേ​ജി​ലും നാ​ല​ര വർ​ഷ​ത്തോ​ളം നീ​ണ്ട ചികിത്സയ്ക്കൊടുവിലാണ് മികച്ച വോളീബാൾ താരവും കോച്ചുമായിരുന്ന തഴവ കുതിരപ്പന്തി കണ്ണമ്പള്ളിൽ മാത്യൂസ് വിടവാങ്ങിയത്.

ജീവിതത്തിലും കളിക്കളത്തിലും ആ​ത്മ​വി​ശ്വാ​സ​ത്തി​ന്റെ ആൾ​രൂ​പ​മാ​യി​രു​ന്നു മാ​ത്യൂ​സ്. ജീ​വി​ത​ത്തി​ലും സ്‌​പോർ​ട്‌​സി​ലും. നി​ര​വ​ധി വർ​ഷ​ക്കാ​ലം എം.ജി യൂ​ണി​വേ​ഴ്‌​സി​റ്റി പു​രു​ഷ വ​നി​താ ടീ​മു​ക​ളു​ടെ മാ​നേ​ജ​രും കോ​ച്ചു​മാ​യി​രു​ന്നു ഇദ്ദേഹം. 2017ൽ ക​ണ്ണൂ​രിൽ ന​ട​ന്ന അ​ഖി​ലേ​ന്ത്യാ അ​ന്തർ സർ​വ​ക​ലാ​ശാ​ലാ വോ​ളീ​ബാൾ ടൂ​ണ​മെന്റിൽ എം.ജി യൂണി​വേ​ഴ്‌​സി​റ്റി കീ​രീ​ടം നേ​ടു​മ്പോൾ മാത്യൂസായിരുന്നു കോച്ച്. ഏ​റ​ണാ​കു​ളം മ​ഹാ​രാ​ജാ​സ്, മൂ​ന്നാർ ഗ​വ.കോ​ളേ​ജ് എ​ന്നി​വി​ട​ങ്ങ​ളിൽ സേ​വ​നം അ​നു​ഷ്ടി​ച്ചി​രു​ന്ന ഇദ്ദേഹം അവസാന കാലഘട്ടത്തിൽ ച​വ​റ ഗ​വ. കോ​ളേ​ജ് കാ​യി​ക അ​ദ്ധ്യാ​പ​ക​നാ​യി​രു​ന്നു.

1992ൽ ഗ്വാ​ളി​യർ എൽ.എൻ.സി.പി​യിൽ നി​ന്നും ഫി​സി​ക്കൽ എ​ഡ്യൂ​ക്കേ​ഷ​നിൽ പി.ജി​യെ​ടു​ത്ത മാ​ത്യൂ​സ് സ്‌​പോർട്സ് മെ​ഡി​സി​നിൽ തീ​സി​സ് സ​മർ​പ്പി​ച്ച് ഡോ​ക്ട​റേ​റ്റി​നാ​യി കാ​ത്തി​രി​ക്കു​ക​യാ​യി​രു​ന്നു. ഒ​രു​കാ​ല​ത്ത് വോ​ളീ​ബാ​ളി​ന്റെ ഈ​റ്റി​ല്ല​മാ​യി​രു​ന്നും ത​ഴ​വ കു​തി​ര​പ​ന്തി. ദേ​ശി​യ​ത​ല​ത്തിൽ വ​രെ ക​ളി​ച്ച താ​ര​ങ്ങ​ളു​ടെ നാ​ട്. പിന്നീട് കു​തിപ്പ​ന്തി​ക്ക് ന​ഷ്ട​പെ​ട്ട വോ​ളീ​ബാൾ പ്ര​താ​പം വീ​ണ്ടെ​ടു​ക്കു​വാ​നും മാ​ത്യൂ​സ് ശ്ര​മം ന​ട​ത്തിയിരുന്നു. കു​തി​രപ്പ​ന്തി പ​രി​ഷ്​കാ​ര ഗ്ര​ന്ഥ​ശാ​ല​യു​ടെ നേ​തൃ​ത്വ​ത്തിൽ ന​ട​ത്തി​യ അ​വ​ധി​ക്കാ​ല കോ​ച്ചിം​ഗ് ക്ലാ​സി​ലൂ​ടെ നി​ര​വ​ധി പ്ര​തി​ഭ​ക​ളെ ക​ണ്ടെ​ത്താൻ അ​ദ്ദേ​ഹ​ത്തി​ന് ക​ഴി​ഞ്ഞു. ഭാ​ര്യ: സോ​ജി സാ​റാ ജോ​യ് (ശ്രീ​ബു​ദ്ധാ സെൻ​ട്രൽ സ്​കൂൾ, തൊ​ടി​യൂർ). മ​ക്കൾ ജോ​യൽ, ജോ​ഷ്. സം​സ്​കാ​രം ഇ​ന്ന് ഇ​ച്ച​ക്ക് 2ന് കൊ​റ്റ​മ്പ​ള്ളി മാർ ഏ​ലി​യ ഓർ​ത്ത​ഡോ​ക്‌​സ് പ​ള്ളി സെ​മി​ത്തേ​രി​യിൽ.