കൊല്ലം: ഹരിത കേര​ളം​ മി​ഷൻ, കാഷ്യൂ കോർ​പ്പ​റേ​ഷൻ, കൃഷി വകുപ്പ്, എം.​ജി.​എൻ.​ആർ.​ഇ.​ജി.​എസ് എന്നി​വ​യുടെ സംയുക്ത ആഭി​മു​ഖ്യ​ത്തിൽ കശു​അണ്ടി വിക​സന കോർപ്പ​റേ​ഷന്റെ 21 ഫാക്ട​റി​ക​ളിൽ ഓണ​ത്തിന് ഒരു മുറം പച്ച​ക്കറി പദ്ധ​തി​യുടെ ഭാഗ​മായി നട​ത്തിയ ജൈവ പച്ച​ക്കറി കൃഷി​യുടെ വിള​വെ​ടുപ്പ് ഉദ്ഘാ​ടനം കോർപ്പ​റേ​ഷ​ന്റെ ഒന്നാം നമ്പർ കൊട്ടിയം ഫാക്ട​റി​യിൽ ചെയർമാൻ എസ്.​ജ​യ​മോ​ഹൻ നിർവ​ഹി​ച്ചു. ജൂൺ 19 ന് ഹരി​ത​കേ​രളം മിഷൻ എക്‌സി​ക്യൂ​ട്ടീവ് ചെയർപേ​ഴ്‌സൺ ടി.​എൻ.​സീ​മ​യാണ് കൃഷി​ ഉദ്ഘാ​ടനം കൊട്ടിയം ഫാക്ട​റി​യിൽ നിർവ​ഹി​ച്ച​ത്.​വെണ്ട , വഴു​തന, അമ​ര, തക്കാ​ളി, വിവി​ധ​യിനം പച്ച​മു​ള​ക്, ചീര, കാബേ​ജ്, എന്നി​വ​യാണ് ആദ്യ​ഘ​ട്ട​ത്തിൽ വിള​വെ​ടു​ത്ത​ത്. 21 ഫാക്ട​റി​ക​ളിലും വിള​വെ​ടു​ക്കുന്ന പച്ച​ക്കറി ഓണ​ക്കാ​ലത്ത് പകുതി വിലയ്ക്ക് തൊഴി​ലാ​ളി​കൾക്കും മറ്റു​ള​ള​വർക്കും നൽകാ​നാണ് ഉദ്ദേ​ശി​ക്കു​ന്ന​ത്. തൊ​ഴി​ലു​റപ്പ് തൊഴി​ലാ​ളി​കൾക്ക് ഒരു മുറം പച്ച​ക്കറി നൽകി​യാണ് ഉദ്ഘാ​ടനം നിർവ​ഹി​ച്ച​ത്. കോർപ്പ​റേ​ഷൻ മാനേ​ജിംഗ് ഡയ​റ​ക്ടർ രാജേഷ് രാമ​കൃ​ഷ്ണൻ ഹ​രിത കേരളം മിഷൻ പ്രോജക്റ്റ് കോ-ഓർഡി​നേ​റ്റർ , ഐസ​ക്, ഭര​​ണ​സ​മിതി അംഗം ജി.​ബാബു പ്ലാന്റേ​ഷൻ മാനേ​ജർ എ.ഗോപ​കു​മാർ, പ്രേം ലാൽ, ഹരിത കേരളം മിഷന്റെ ട്രെയി​നി​കൾ, ജീവ​ന​ക്കാർ, തൊഴി​ലാ​ളി​കൾ എന്നി​വർ സന്നി​ഹി​ത​രാ​യി​രു​ന്നു.