കൊട്ടാരക്കര: അഞ്ചു വയസുകാരിയായ ബാലികയെ പീഡിപ്പിച്ചയാളെ കൊട്ടാരക്കര പൊലീസ് അറസ്റ്റ് ചെയ്തു. പള്ളിക്കൽ ചരുവിള പുത്തൻവീട്ടിൽ ഷിബുവിനെയാണ് (34 ) അറസ്റ്റ് ചെയ്തത്. ജോലിക്കാരായ മാതാപിതാക്കൾ അയൽവീട്ടിൽ ഏല്പിച്ചു പോയ കുട്ടിയെ ഇവരുടെ ബന്ധുവായ ഷിബു പീഡിപ്പിക്കുകയായിരുന്നു.
സംഭവത്തിന് ശേഷം ഒളിവിൽ പോയ ഇയാളെ കൊട്ടാരക്കര പൊലീസ് ഇൻസ്പെക്ടർ ആർ. രാജീവ് , എസ്.സി.പി.ഒ സലിം, സി.പി.ഒ ഹോച്ചിമിൻ, ഓമനക്കുട്ടൻ എന്നിവരടങ്ങുന്ന സംഘം കുളപ്പാടത്തു നിന്ന് അറസ്റ്റ് ചെയ്യുകയായിരുന്നു. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.