ഓയൂർ: കൊല്ലം റവന്യുജില്ലാ ടി.ടി.ഐ കലോൽസവത്തിൽ 94 പോയിന്റ് നേടി കാരാളികോണം സീതിസാഹിബ് ടി.ടി.ഐയും, കൊട്ടാരക്കര ഡയ​റ്റും ചാമ്പ്യൻമാരായി. 92 പോയിന്റ് നേടിയ കരുനാഗപ്പള്ളി എസ്.എൻ.ടി.ടി.ഐയും കൊട്ടിയം സി.എഫ് ടി.ടി.ഐയും രണ്ടാം സ്ഥാനം പങ്കിട്ടു. 12 ഇനങ്ങളിലായി നടന്ന മത്സരങ്ങളിൽ 24 ടി.ടി.ഐകളിൽ 500 ഓളം പ്രതിഭകൾ മാ​റ്റുരച്ചു.
കാരാളികോണം ടി.ടി.ഐ അദ്ധ്യാപകവിദ്യാർത്ഥികൾ ആഹ്‌ളാദപ്രകടനവും റാലിയും നടത്തി. ഇന്ന് രാവിലെ 10ന് ഡോ.കെ.കെ.യുനുസ്‌കുട്ടി മെമ്മോറിയൽ ആഡി​റ്റോറിയത്തിൽ നടക്കുന്ന അനുമോദനയോഗം ഇളമാട് പഞ്ചായത്ത് പ്രസിഡന്റ് എസ്.ചിത്ര ഉദ്ഘാടനം ചെയ്യും.