കൊല്ലം: ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്തി​ലെ വേ​ള​മാ​നൂർ പു​ലി​ക്കു​ഴി സു​ഗ​ന്ധി വി​ലാ​സ​ത്തിൽ ഇ​ന്ദി​ര​യും കൊ​ച്ചു​മ​ക്ക​ളും ഇ​നി ലൈ​ഫി​ന്റെ ത​ണ​ലിൽ. അ​മ്മ സു​ഗ​ന്ധി​യു​ടെ മ​ര​ണ​ശേ​ഷം സു​ര​ക്ഷി​ത​മാ​യ ഇ​ടം ക​ണ്ടെ​ത്താ​നാ​കാ​തെ അ​മ്മൂ​മ്മ അ​നാ​ഥ​ല​യ​ത്തി​ലേ​ക്ക് മാ​റ്റി​യ കു​ട്ടി​ക​ളു​ടെ ജീ​വി​ത​മാ​ണ് സർ​ക്കാ​രി​ന്റെ ഭ​വന​നിർ​മ്മാ​ണ പ​ദ്ധ​തി​യി​ലൂ​ടെ മാ​റു​ന്ന​ത്. സു​ര​ക്ഷി​ത​മാ​യ പു​തി​യ വീ​ട്ടി​ലാ​കും ഈ കു​ടും​ബം ഇ​നി ക​ഴി​യു​ക.
2013 - ​14 സാ​മ്പ​ത്തി​ക വർ​ഷം ഇ​ന്ദി​ര ആ​വാ​സ് യോ​ജ​ന പ്ര​കാ​രം ര​ണ്ട് ല​ക്ഷം രൂ​പ വീ​ട് നിർ​മ്മാ​ണ​ത്തി​നാ​യി അ​നു​വ​ദി​ച്ചിരുന്നു. എന്നാൽ സുഗന്ധിയുടെ മരണം കുടുംബത്തിന് വെള്ളിടിയായി മാറുകയായിരുന്നു. കു​റ്റ​കൃ​ത്യ​ത്തിൽ അ​ക​പ്പെ​ട്ട് സുഗന്ധിയുടെ ഭർ​ത്താ​വ് ജ​യി​ലാ​കുക കൂടി ചെയ്തതോടെ അ​മ്മൂ​മ്മ​യാ​ണ് കുട്ടികളുടെ സം​ര​ക്ഷ​ണം ഏ​റ്റെ​ടു​ത്ത​ത്. പ​ക്ഷേ അ​ട​ച്ചു​റ​പ്പു​ള്ള വീ​ടി​ല്ലാ​ത്ത​തി​നാൽ ഇ​ന്ദി​ര​യ്​ക്ക് ഈ ചു​മ​ത​ല നിർ​വ​ഹി​ക്കാ​നാ​യി​ല്ല. നോ​ക്കി​ന​ട​ത്താൻ ആ​രു​മി​ല്ലാ​തെ വീ​ട് നിർ​മ്മാ​ണ​വും മു​ട​ങ്ങി. തു​ടർ​ന്ന് നിർ​മ്മി​ച്ച ഭാ​ഗ​ങ്ങൾ ന​ശി​ച്ചു​പോവുകയും ചെയ്തു.
സ​മ്പൂർ​ണ ഭ​വ​ന നിർമ്മാ​ണ പ​ദ്ധ​തി​യാ​യ ലൈ​ഫ് ഒ​ന്നാം ഘ​ട്ടം തു​ട​ങ്ങി​യ​തോ​ടെ​യാ​ണ് വീ​ട് നിർ​മ്മാ​ണ​ത്തി​ന് വീ​ണ്ടും വ​ഴി​തെ​ളി​ഞ്ഞ​ത്. വി​വി​ധ സർ​ക്കാർ പ​ദ്ധ​തി​ക​ളി​ലൂ​ടെ വീ​ട് അ​നു​വ​ദി​ക്ക​പ്പെ​ടു​ക​യും വി​വി​ധ കാ​ര​ണ​ങ്ങ​ളാൽ നിർ​മ്മാ​ണം പൂർ​ത്തീ​ക​രി​ക്കാൻ സാ​ധി​ക്കാ​ത്ത​തു​മാ​യ ഗു​ണ​ഭോ​ക്താ​ക്കൾ​ക്ക് സ​ഹാ​യം ല​ഭ്യ​മാ​ക്കു​ന്ന ഈ പ​ദ്ധ​തി​യി​ലൂ​ടെ​ ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്ത് പു​നർ​നിർമ്മാ​ണ​ത്തി​ന് മുൻ​കൈ​യെ​ടു​ക്കുകയായിരുന്നു. തു​ടർ​ന്ന് ഇ​ന്ദി​ര​യു​ടെ പേ​രിൽ ലൈ​ഫ് പ​ദ്ധ​തി സ​ഹാ​യ​മാ​യി 1,20,000 രൂ​പ അ​നു​വ​ദി​ച്ചു. നിർ​മ്മാ​ണം ഏ​റ്റെ​ടു​ക്കാൻ ഇ​ന്ദി​ര​യ്​ക്ക് ക​ഴി​യാ​ത്ത​തി​നാൽ പാ​രി​പ്പ​ള്ളി യു.കെ.എ​ഫ് എ​ൻജിനി​യ​റിം​ഗ് കോ​ളേ​ജ് മാ​നേ​ജ്‌​മെന്റും സ​ഹാ​യ​ത്തി​നെ​ത്തി.

കോ​ളേ​ജി​ലെ സി​വിൽ എ​ൻജിനി​യ​റിം​ഗ് വി​ഭാ​ഗ​ത്തി​ന്റെ മേൽ​നോ​ട്ട​ത്തി​ലാ​ണ് വീ​ട് നിർ​മ്മി​ച്ച​ത്. വ​രാ​ന്ത, ര​ണ്ട് കി​ട​പ്പു​മു​റി​കൾ, ഹാൾ, അ​ടു​ക്ക​ള, ശു​ചി​മു​റി എ​ന്നി​വ ചേർ​ന്ന 460 ച​തു​ര​ശ്ര അ​ടി വി​സ്​തീർ​ണ​മു​ള്ള വീ​ട് നിർ​മ്മാ​ണ​ത്തിൽ ക​ല്ലും മ​ണ്ണും ചു​മ​ന്ന​ത് എ​ൻജി​നി​യ​റിം​ഗ് കോ​ളേ​ജ് വി​ദ്യാർ​ത്ഥി​കളായിരുന്നു.

ലൈ​ഫ് വീ​ടു​ക​ളിൽ ശു​ചി​മു​റി പു​റ​ത്ത് നിർ​മി​ക്കു​ന്ന പ​തി​വി​ന് വി​രു​ദ്ധ​മാ​യി കു​ട്ടി​ക​ളു​ടെ സു​ര​ക്ഷ കൂ​ടി ക​ണ​ക്കി​ലെ​ടു​ത്ത് വീ​ടി​നു​ള്ളി​ലാ​ണ് സൗ​ക​ര്യം ഒ​രു​ക്കി​യ​ത്. പ്ര​ത്യേ​ക പ​രി​ഗ​ണ​ന​യോ​ടെ​യാ​ണ് പൈ​പ്പ് ക​ണ​ക്ഷ​നും നൽ​കി​യ​ത്. ഒ​രു ല​ക്ഷ​ത്തി​ല​ധി​കം രൂ​പ അ​ദ്ധ്യാ​പ​ക​രും കു​ട്ടി​ക​ളും മാ​നേ​ജ്​മ​ന്റെും ചേർ​ന്ന് വീ​ട് നിർ​മ്മാ​ണ​ത്തി​നാ​യി നൽ​കു​ക​യും ചെ​യ്​തു. കു​ടും​ബ​ത്തി​ന്റെ പു​തി​യ ലൈ​ഫി​ലേ​ക്കു​ള്ള താ​ക്കോൽ യു.കെ.എ​ഫ് എ​ൻജിനിയ​റിം​ഗ് കോ​ള​ജിൽ ജ​ന​പ്ര​തി​നി​ധി​കൾ സാ​ക്ഷി​യാ​യി ഫ്ര​ഷേ​ഴ്‌​സ് ഡേ പ​രി​പാ​ട​യി​ലാ​ണ് കൈ​മാ​റി​യ​ത്.