hasan-img
ചൈ​ന​യിൽ ന​ട​ക്കു​ന്ന അ​ന്തർ​ദേ​ശീ​യ പ​ഞ്ച​ഗു​സ്​തി മ​ത്സ​ര​ത്തിൽ പ​ങ്കെ​ടു​ക്കു​ന്ന തൊ​ടി​യൂർ സ്വ​ദേ​ശി ഹ​സൻ

തൊ​ടി​യൂർ: മാ​രാ​രി​ത്തോ​ട്ടം മ​ഹാ​ദേ​വർ കോ​ള​നി​യി​ലെ ചെ​റി​യ വീ​ട്ടിൽ നി​ന്ന് പ​ഞ്ച​ഗു​സ്​തി​യു​ടെ ലോ​ക​മ​ത്സ​ര​ത്തിൽ പ​ങ്കെ​ടു​ക്കാൻ ചൈ​ന​യി​ലേ​ക്ക് പ​റ​ക്കാ​നൊ​രു​ങ്ങു​ക​യാ​ണ് ഹ​സൻ എ​ന്ന ഇ​രു​പ​ത്തി​നാ​ലു​കാ​രൻ. ക​ഴി​ഞ്ഞ 28 മു​തൽ 31 വ​രെ സി​ക്കി​മിൽ ന​ട​ന്ന ദേ​ശീ​യ​മ​ത്സ​ര​ത്തിൽ കൈ​വ​രി​ച്ച വി​ജ​യ​മാ​ണ് സെ​പ്​തം​ബർ 10 മു​തൽ 15 വ​രെ​ ചൈ​ന​യി​ലെ അ​ന്തർ​ദേ​ശീ​യ മ​ത്സ​ര​ത്തിൽ പ​ങ്കെ​ടു​ക്കാൻ ഹസന് അ​വ​സ​ര​മൊ​രു​ക്കി​യ​ത്. ഇ​ന്ത്യ​യിൽ നി​ന്നു​ള്ള ആ​റു താ​ര​ങ്ങൾ​ക്കൊ​പ്പ​മാ​ണ് ഹ​സൻ പു​തി​യ നേ​ട്ടം കു​റി​ക്കാൻ ചൈ​ന​യി​ലേ​ക്ക് പോ​കു​ന്ന​ത്. വി​ദേ​ശ രാ​ജ്യ​ങ്ങ​ളിൽ നി​ന്നുള്ള നിരവധി താ​ര​ങ്ങൾ പ​ങ്കെ​ടു​ക്കു​ന്ന പ​ഞ്ച​ഗു​സ്​തി​യു​ടെ ലോ​ക​മ​ത്സ​ര​ത്തിൽ 95 കി​ലോ വി​ഭാ​ഗ​ത്തി​ലാ​ണ് ഹ​സ​ൻ മത്സരിക്കുന്നത്. ഒട്ടനവധി പ​രി​മി​തി​ക​ളെ മ​റി​ക​ട​ന്നാ​ണ് ഈ യു​വാ​വ് പ​ഞ്ച​ഗു​സ്​തി​യുടെ അ​ന്താ​രാ​ഷ്ട്ര മ​ത്സ​ര​ത്തി​നെ​ത്തുന്നത്. യാ​ത്രയ്ക്കും മറ്റ് ചെലവുകൾക്കുമുള്ള ഒ​ന്ന​ര ല​ക്ഷം​ രൂ​പ ക​ണ്ടെ​ത്ത​ണം എന്നതാണ് ഹസന് മുന്നിലുള്ള ഏറ്റവും വലിയ കടമ്പ. പണം കണ്ടെത്താൻ ഒരു മാർഗവുമില്ലാതെ വലയുകയാണ് ഹസന്റെ കുടുംബം. മുൻ​പ് ന​ട​ന്ന മ​ത്സ​ര​ങ്ങ​ളി​ലെ​ല്ലാം പ​ങ്കെ​ടു​ത്ത​ത് നാ​ട്ടു​കാ​രു​ടെ​യും സു​ഹൃ​ത്തു​ക്ക​ളു​ടെ​യും സ​ഹാ​യ​ത്തി​ലാ​ണ്. ഇ​ത്ത​വ​ണ​യും അ​തിന് മുടക്കം വരില്ലെന്നാണ് ഹ​സന്റെ വിശ്വാസം. മ​ത്സ്യ​ക്ക​ച്ച​വ​ട​ക്കാ​രനാ​യ പി​താ​വ് ഷം​സു​ദ്ദീൻ ശാ​രീ​രി​ക നി​ല മോ​ശ​മാ​യ​തി​നാൽ ഇ​പ്പോൾ ക​ച്ച​വ​ട​ത്തി​ന് പോ​കു​ന്നി​ല്ല. സ​ഹോ​ദ​ര​നൊ​പ്പം ഹ​സ​നും​ വെൽ​ഡിം​ഗ് പ​ണി​ക്ക് പോ​യി കി​ട്ടു​ന്ന വ​രു​മാ​നം കൊ​ണ്ടാ​ണ് കു​ടും​ബം ക​ഴി​ഞ്ഞു​കൂ​ടു​ന്ന​ത്.
പ്ല​സ് ടു പഠനത്തിന് ശേഷമാണ് ഹ​സൻ​ പ​ഞ്ച​ഗു​സ്​തി​യിൽ തു​ട​ക്കം കു​റി​ക്കുന്നത്. 2015​ൽ ദേ​ശീ​യ പ​ഞ്ച​ഗു​സ്​തി മ​ത്സ​ര​ത്തിൽ ജൂ​നി​യർ വി​ഭാ​ഗ​ത്തിൽ മൂ​ന്നാം സ്ഥാ​നം നേ​ടി​യ​തോ​ടെ​യാ​ണ് ഈ യു​വാ​വ് ശ്ര​ദ്ധേ​യ​നാ​കു​ന്ന​ത്. തു​ടർ​ന്ന് 2016​ൽ നാ​ഗ്​പൂ​രിൽ ന​ട​ന്ന സീ​നി​യർ വി​ഭാ​ഗം മ​ത്സ​ര​ത്തിൽ ഏ​ഴാം സ്ഥാ​ന​വും 2017​ൽ ഡൽ​ഹി​യി​ൽ നടന്ന മ​ത്സ​ര​ത്തിൽ അ​ഞ്ചാം സ്ഥാ​ന​വും നേ​ടി​. 2018 ജ​നു​വ​രി​യിൽ കേ​ര​ള​ത്തിൽ നടന്ന ദേ​ശീ​യ പ​വർ​ലിഫ്റ്റിംഗ് ചാ​മ്പ്യൻ​ഷി​പ്പി​ന്റെ ഭാ​ഗ​മാ​യി ന​ട​ന്ന മ​ത്സ​ര​ത്തിൽ ഒ​ന്നാം സ്ഥാ​നം നേ​ടി. ഷം​സു​ദ്ദീ​ന്റെ​യും സെ​ലീ​ന​യു​ടെ​യും ഇ​ള​യ മ​ക​നാ​ണ് ഹ​സൻ. മ​ത്സ​ര​ങ്ങ​ളിൽ മി​ക​ച്ച നേ​ട്ടം കൊ​യ്യാൻ ആ​ധു​നി​ക പ​രി​ശീ​ല​ന ഉ​പ​ക​ര​ണ​ങ്ങൾ വേ​ണം. ഇ​തി​നും നല്ല പ​ണച്ചെലവുണ്ട്. സൈ​ക്കിൾ ട്യൂ​ബും മ​റ്റും ശേ​ഖ​രി​ച്ച് ത​യ്യാ​റാ​ക്കി​യ നാ​ടൻ പ​രി​ശീ​ല​ന ഉ​പ​ക​ര​ണങ്ങൾ ഉ​പ​യോ​ഗി​ച്ചാ​ണ് ഹസന്റെ പ​രി​ശീ​ല​നം. പ​രി​ശീ​ല​ക​രാ​യ മ​ല​പ്പു​റം സ്വ​ദേ​ശി വി​നോ​ദും, ഷാ​ജു​വും എ​ല്ലാ പി​ന്തു​ണ​യും നൽ​കി ഒ​പ്പ​മു​ണ്ട്. ബാ​ങ്ക് ഒഫ് ബ​റോ​ഡ ക​രു​നാ​ഗ​പ്പ​ള്ളി
ശാ​ഖ​യിൽ 36300100007586 എ​ന്ന ന​മ്പ​രിൽ ഹ​സ​ൻ അ​ക്കൗ​ണ്ട് തുടങ്ങിയിട്ടുണ്ട്. ഐ.എ​ഫ്.എ​സ്.ഇ കോഡ്: ബി.എ.ആർ.ബി.ഒ
കെ.എ.ആർ.യു​.എൻ​.എ