അ​മൃ​ത​പു​രി: ജർ​മ്മ​നി​യിൽ സ​മാ​പി​ച്ച പ​തി​ന​ഞ്ചാ​മ​ത് 'അ​മ്മാ​സ് യൂ​ത്ത് ഫോർ യൂ​ണി​റ്റി, ഡൈ​വേ​ഴ്‌​സി​റ്റി ആൻ​ഡ് ഹ്യൂ​മാ​നി​റ്റി" (അ​യു​ധ്) യൂ​റോ​പ്യൻ യൂ​ണി​യൻ ഉ​ച്ച​കോ​ടി​യി​ൽ യൂ​റോ​പ്പിൽ​നി​ന്ന് മു​ന്നൂ​റോ​ളം പേർ പ​ങ്കെ​ടു​ത്തു. ഒ​രാ​ഴ്​ച നീ​ണ്ടു​നി​ന്ന ഉ​ച്ച​കോ​ടിയിൽ വൈ​കാ​രി​ക​വും സാം​സ്​കാ​രി​ക​വും സാ​മൂ​ഹി​ക​വു​മാ​യ വൈ​വിദ്ധ്യ​ങ്ങ​ളെ​യും ജൈ​വ​വൈ​വി​ദ്ധ്യ​ങ്ങ​ളെ​യും​ കു​റി​ച്ച് പ്ര​ഭാ​ഷ​ണ​ങ്ങ​ളും ശിൽ​പ്പ​ശാ​ല​ക​ളും നടന്നു.

അ​യു​ധ് യൂ​റോ​പ്പും യു​നെ​സ്‌​കോ മ​ഹാ​ത്മാ ഗാ​ന്ധി ഇൻ​സ്റ്റി​റ്റിയൂ​ട്ട് ഒ​ഫ് എ​ഡ്യൂ​ക്കേ​ഷൻ ഫോർ പീ​സ് ആൻ​ഡ് സ​സ്റ്റെ​യ്‌​ന​ബിൾ ഡ​വ​ല​പ്‌​മെന്റും (എം​.ജി​.ഐ​.ഇ​.പി) ചേർ​ന്നാ​ണ് ഉ​ച്ച​കോ​ടി സം​ഘ​ടി​പ്പി​ച്ച​ത്. മാതാ അ​മൃ​താ​ന​ന്ദ​മ​യി മഠം വൈ​സ് പ്ര​സി​ഡന്റും അ​മൃ​ത വി​ശ്വ​വി​ദ്യാ​പീഠം പ്ര​സി​ഡന്റും അ​മ്മ​യു​ടെ മു​തിർ​ന്ന ശി​ഷ്യ​നു​മാ​യ സ്വാ​മി അ​മൃ​ത ​സ്വ​രൂ​പാ​ന​ന്ദപു​രി​ വൈ​കാ​രി​ക വൈ​വി​ദ്ധ്യ​ത്തെ​ക്കു​റി​ച്ച് മു​ഖ്യ​പ്ര​ഭാ​ഷ​ണം ന​ട​ത്തി. ജർ​മ്മ​നി​യിൽ​ നി​ന്നു​ള്ള ഡോ. യെൻ​സ് സിമ്മർ​മാൻ എം​.പി ഉ​ച്ച​കോ​ടി ഉ​ദ്​ഘാ​ട​നം ചെ​യ്​തു.

അ​യു​ധ് യൂ​റോ​പ്പ ഡ​യ​റ​ക്​ടർ ആൻ​ഡ്രി​യാ​സ് ഹെർ​ഷ്, പ്രോ​ജ​ക്​ട് ഡ​യ​റ​ക്​ടർ ധ​ന്യ ദാൽ​മാൻ​സ് എ​ന്നി​വർ മ​റ്റൊ​രാ​ളു​ടെ ജീ​വി​തം ജീ​വി​ക്കു​ന്ന​തി​നെ​ക്കു​റി​ച്ച് സ​ങ്കൽ​പ്പി​ക്കു​ന്ന സ്റ്റെ​പ്‌​സ് ഒഫ് ഡൈ​വേ​ഴ്‌​സി​റ്റി എ​ക്‌​സർ​സൈ​സി​ന് നേ​തൃ​ത്വം ന​ൽ​കി. മുൻ ലോ​ക കി​ക്ക് ​ബോ​ക്‌​സിം​ഗ്, ബോ​ക്‌​സിം​ഗ് ചാ​മ്പ്യൻ ലൂ​സി​യ റി​ജ്​കർ ന​മു​ക്കു​ള്ളി​ലെ വൈ​വിദ്ധ്യ​ത്തെ​ക്കു​റി​ച്ച് ക്ലാ​സെ​ടു​ക്കു​ക​യും സ്വ​ന്തം അ​നു​ഭ​വ​ങ്ങൾ വി​വ​രി​ക്കു​ക​യും ചെ​യ്​തു. ഫ്ര​ഞ്ച് ബ​ഹി​രാ​കാ​ശ ശാ​സ്​ത്ര​ജ്ഞൻ മാ​ത്യൂ ലെ​ബോ​ണി കാ​ലാ​വ​സ്ഥാ​മാ​റ്റ​ത്തെ​ക്കു​റി​ച്ചും ജൈ​വ​വൈ​വി​ദ്ധ്യ​ത്തെ​ക്കു​റി​ച്ചും സം​സാ​രി​ച്ചു.

അ​മ്മ​യു​ടെ മു​തിർ​ന്ന ശി​ഷ്യ​നും ധ്യാ​ന​ഗു​രു​വും സ​ന്യാ​സി​യു​മാ​യ ശു​ഭാ​മൃ​ത ചൈ​ത​ന്യ സം​സ്​കാ​ര​ങ്ങ​ളു​ടെ വൈ​വി​ദ്ധ്യ​ത്തെ​ക്കു​റി​ച്ചും സം​സ്​കാ​ര​ങ്ങ​ളെ ഒ​ന്നി​ച്ചു​ചേർ​ക്കു​ന്ന​തിൽ ആ​ദ്ധ്യാ​ത്മി​ക​ത​യ്​ക്കു​ള്ള പ​ങ്കി​നെ​ക്കു​റി​ച്ചും സം​സാ​രി​ച്ചു. 2001ൽ തു​ട​ക്ക​മി​ട്ട അ​യു​ധി​ന് യൂ​റോ​പ്പ്, വ​ട​ക്കേ അ​മേ​രി​ക്ക, തെ​ക്കേ അ​മേ​രി​ക്ക, ഏ​ഷ്യ, ആ​ഫ്രി​ക്ക, ഓ​സ്‌​ട്രേ​ലി​യ എ​ന്നി​വി​ട​ങ്ങ​ളിൽ ശാ​ഖ​ക​ളു​ണ്ട്. മ​ത​, ലിം​ഗ, സാ​മൂ​ഹി​ക, സാം​സ്​കാ​രി​ക വ്യ​ത്യാ​സ​മി​ല്ലാ​തെ പ​തി​ന​ഞ്ച് മു​തൽ മു​പ്പ​ത് വ​രെ പ്രാ​യ​മു​ള്ള എ​ല്ലാ​വർ​ക്കും അ​യു​ധിൽ ചേ​രാം.