കുണ്ടറ: പൊലിസിന്റെ വാഹനപരിശോധന കുണ്ടറയിലെ വ്യാപാരികളെ ബുദ്ധിമുട്ടിക്കുന്നതായി വ്യാപാരി വ്യവസായി ഏകോപന സമിതി കുണ്ടറ യൂണിറ്റ് കമ്മിറ്റി യോഗം അഭിപ്രായപ്പെട്ടു. പ്രളയവും പിരിവുകളും സാമ്പത്തികമാന്ദ്യവും റോഡ് കൈയേറിയുള്ള അനധികൃത വഴിയോര വാണിഭങ്ങളും മൂലം വ്യാപാരികൾ കടുത്ത പ്രതിസന്ധിയിലാണ്. ഈ സാഹചര്യത്തിലാണ് കടകളിലേക്ക് സാധനങ്ങൾ ഇറക്കാൻ പോലും സാധിക്കാത്ത വിധത്തിൽ കുണ്ടറയിലെ വിവിധ മേഖലകളിൽ പൊലീസിന്റെ വാഹന പരിശോധന. വ്യാ​പാ​ര സ്ഥാ​പ​ന​ങ്ങൾ​ക്ക് മു​ന്നിൽ പാർ​ക്ക് ചെ​യ്യു​ന്ന ഉ​പ​ഭോ​ക്താ​ക്ക​ളു​ടെ വാ​ഹ​ന​ങ്ങൾ​ക്ക് പി​ഴ​ ചു​മ​ത്തു​ന്ന​ത് വ്യാ​പാ​ര​ത്തെ സാ​ര​മാ​യി ബാ​ധി​ക്കുകയാണ്. റോ​ഡി​ന്റെ വ​ശ​ങ്ങ​ളെ​ല്ലാം കൈയേറിയ വഴിവാണിഭക്കാർക്കെതിരെ ​ന​ട​പ​ടി സ്വീ​ക​രി​ക്കാൻ അ​ധി​കൃ​തർ ത​യ്യാ​റാ​വാ​ത്ത സാ​ഹ​ച​ര്യ​ത്തി​ലാ​ണ് വ്യാ​പാ​രി​ക​ളെ ദ്രോ​ഹി​ക്കു​ന്ന ന​ട​പ​ടി​കൾ നി​ര​ന്ത​ര​മു​ണ്ടാ​വു​ന്ന​ത്. പാർ​ക്കിംഗിന് പി​ഴ​ ചു​മ​ത്തു​ന്ന​തി​ന് മുമ്പ് വാ​ഹ​ന​ങ്ങൾക്ക് പാർക്കിംഗിനുള്ള സൗകര്യം ഒരുക്കാൻ അധികൃതർ തയ്യാറാകുന്നില്ലെന്നും ഭാരവാഹികൾ പറഞ്ഞു.

യോ​ഗ​ത്തിൽ പ്ര​സി​ഡന്റ് സി.ബി. അ​നിൽ​കു​മാർ അദ്ധ്യ​ക്ഷ​ത വ​ഹി​ച്ചു. എൽ. അ​നിൽ​കു​മാർ, എ. നാ​സി​മു​ദ്ദീൻ, ജി. ബാ​ബു​രാ​ജൻ, എ​ച്ച്. സ​ഹ​ദ്, പി.ആർ. അ​ഖി​ലേ​ഷ്, എസ്. ഭ​ദ്രൻ, എ​ഡി​സൺ കാ​ര​പൊ​യ്​ക, യു.കെ. ഷി​ഹാ​ബു​ദ്ദീൻ, ല​ളി​ത എ​ന്നി​വർ സം​സാ​രി​ച്ചു.