കുറ്റിച്ചിറ: കുണ്ടുകുഴിപ്പാടം തെക്കേക്കര എസ്.എൻ.ഡി.പി ശാഖയുടെ വാർഷിക പൊതുയോഗം, ആദരണീയം, പഠനോപകരണ വിതരണം, കുടുംബ സംഗമം നാലിന് രാവിലെ പത്തിന് ശാഖാ മന്ദിരത്തിൽ നടക്കും. ചാലക്കുടി എസ്.എൻ.ഡി.പി യൂണിയൻ സെക്രട്ടറി കെ.എ. ഉണ്ണിക്കൃഷ്ണൻ ഉദ്ഘാടനം ചെയ്യും. ശാഖാ പ്രസിഡന്റ് പി.കെ. രണദേവ് അദ്ധ്യക്ഷനാകും. യൂണിയൻ പ്രസിഡന്റ് കെ.വി. ദിനേഷ്ബാബു മുഖ്യാതിഥിയാകും. യുണിയൻ വൈസ് പ്രസിഡന്റ് ചന്ദ്രൻ കൊളത്താപ്പിള്ളി, യൂണിയൻ കൗൺസിലർ ടി.കെ. മനോഹരൻ, യൂത്ത് മൂവ്‌മെന്റ് യൂണിയൻ സെക്രട്ടറി പി.സി. മനോജ്, സ്‌കൂൾ ക്ഷേത്രസമിതി ഭാരവാഹികൾ, ക്ഷേത്രം മേൽശാന്തി, വിവിധ ശാഖാ ഭാരവാഹികൾ തുടങ്ങിയവർ പങ്കെടുക്കും.