തൃശൂർ: ടോംയാസ് അഡ്വർടൈസിംഗ് ഉടമ തോമസ് പാവറട്ടിയുടെ 60ാം ജന്മദിനത്തോട് അനുബന്ധിച്ച്, അട്ടപ്പാടിയിൽ കൊല ചെയ്യപ്പെട്ട ആദിവാസി യുവാവ് മധുവിന്റെ കുടുംബത്തിന് ഒരു ലക്ഷം രൂപ സഹായം നൽകി. പേരാമംഗലം ടോംയാസ് ഗാർഡനിലെ ഇലഞ്ഞിത്തറയിൽ നടന്ന ചടങ്ങിൽ, തൃശൂർ അതിരൂപത മുൻ വികാരി ജനറാൾ മോൺ. ജോർജ്ജ് അക്കരയും കെ.പി നമ്പൂതിരീസ് ആയുർവേദിക്‌സ് മാനേജിംഗ് ഡയറക്ടർ കെ. ഭവദാസനും ചേർന്നാണ് മധുവിന്റെ അമ്മ മല്ലിക്ക് സഹായം കൈമാറിയത്.
കെ.പി. നമ്പൂതിരീസ് ആയുർവേദിക്‌സ് മാനേജിംഗ് ഡയറക്ടർ കെ. ഭവദാസൻ അദ്ധ്യക്ഷനായി. ജോർജ്ജ് അക്കര മുഖ്യ പ്രഭാഷണം നടത്തി. മധുവിന്റെ സഹോദരി ചന്ദ്രിക, മുതിർന്ന പത്രപ്രവർത്തകൻ സി.എ. കൃഷ്ണൻ, കേരള സിറ്റിസൺ ഫോറം പ്രസിഡന്റ് പി.എം. ഷാഹുൽ ഹമീദ് മാസ്റ്റർ, ലൈഫ് മിഷൻ തൃശൂർ കോ ഓർഡിനേറ്റർ ലിൻസ് ഡേവിഡ് വി., മേക്കേഴ്‌സ് കൊച്ചി ഉടമ നിതീഷ് ടി., തോമസ് പാവറട്ടി എന്നിവർ സംസാരിച്ചു.