കുറ്റിച്ചിറ: കുണ്ടുകുഴിപ്പാടം തെക്കേക്കര എസ്.എൻ.ഡി.പി ശാഖാ യോഗത്തിന്റെ പൊതുയോഗത്തിൽ സി.ജി. ജനാർദ്ദനൻ സ്മാരക അവാർഡ് ലഭിച്ച എസ്.എൻ.ഡി.പി യോഗം ചാലക്കുടി യൂണിയൻ സെക്രട്ടറി കെ.എ. ഉണ്ക്കൃഷ്ണനെ ആദരിച്ചു. ശാഖാ പ്രസിഡന്റ് പി.കെ. രണദേവ് അദ്ധ്യക്ഷനായി. യൂണിയൻ കൗൺസിലർ ടി.കെ. മനോഹരൻ, യൂത്ത് മൂവ്മെന്റ് യൂണിയൻ സെക്രട്ടറി പി.സി. മനോജ്, ക്ഷേത്രസമിതി വൈസ് പ്രസിഡന്റ് കെ.എസ്. ശ്രീകുമാർ, ശാഖാ സെക്രട്ടറി ഷീലരാജൻ, ശാഖാ വൈസ് പ്രസിഡന്റ് ബാലകൃഷ്ണൻ കരിപ്പാടൻ, സന്ധ്യ ബിനോജ് എന്നിവർ പ്രസംഗിച്ചു.