തൃശൂർ: സാഹിത്യ അക്കാഡമിയുടെ പ്രളയാക്ഷരങ്ങൾ പുസ്തകം വിറ്റത് വഴി ലഭിച്ച ലക്ഷം രൂപ ജില്ലാ ആരോഗ്യ വകുപ്പ് മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി. പൊതുവിദ്യാഭ്യാസ മന്ത്രി പ്രൊഫ. സി. രവീന്ദ്രനാഥിന്റെ സാന്നിദ്ധ്യത്തിൽ ജില്ലാ മെഡിക്കൽ ഓഫീസർ ഡോ. കെ. ജെ റീന തുക കൈമാറി. അഞ്ഞൂറ് പുസ്തകങ്ങൾ വിറ്റതിൽ നിന്നുള്ള തുകയാണ് കൈമാറിയത്. ജില്ലാ കളക്ടർ എസ്. ഷാനവാസ്, ആരോഗ്യകേരളം ജില്ലാ പ്രോഗ്രാം മാനേജർ ഡോ. ടി. വി സതീശൻ, ആർ.സി.എച്ച് ഓഫീസർ ഡോ. ഉണ്ണിക്കൃഷ്ണൻ എന്നിവർ സന്നിഹിതരായി.