തിരുവനന്തപുരം: തൊഴി​ലാ​ളി​ക​ളുടെ കുറഞ്ഞ ദിവ​സ​വേ​തനം 446 രൂപ​യായി വർദ്ധി​പ്പി​ക്കു​മെന്ന് പറഞ്ഞ് അധി​കാ​ര​ത്തി​ലെ​ത്തിയ സർക്കാർ കുറഞ്ഞ വേതനം 178 രൂപ​യായി നിജ​പ്പെ​ടു​ത്തി പുതിയ നിയമം പാസാക്കി​യി​രി​ക്കു​ക​യാ​ണ്. ഇതിനെതിരെ ഇന്നു മുതൽ രാജ്യ​വ്യാ​പ​ക​മായി പ്രക്ഷോഭ പരി​പാ​ടി​ക​ൾ സംഘടിപ്പിക്കാൻ സംയുക്ത സമരസ​മിതി തീരു​മാ​നി​ച്ചതായി ഹിന്ദ് മസ്ദൂർസ​ഭ സംസ്ഥാന സെക്രട്ടറി അഡ്വ. ജി. സുഗുണൻ പ്രസ്താവനയിൽ അറിയിച്ചു.
കേര​ള​ത്തിൽ എല്ലാ ജില്ലാ കേന്ദ്ര​ങ്ങ​ളിലും തിരു​വ​ന​ന്ത​പു​രത്ത് രാജ്ഭവന് മുന്നി​ലു​മാണ് പ്രതി​ഷേധ പ്രക​ട​ന​ങ്ങൾ നട​ത്തു​ന്ന​ത്.

സി.ഐ.ടി.​യു, എ.ഐ.​ടി.​യു.​സി, ഐ.എൻ.​ടി.​യു.​സി, എച്ച്.​എം.​എ​സ് തുടങ്ങി വിവിധ ട്രേഡ് യൂണി​യ​നു​കൾ സംയു​ക്ത​മാ​യാണ് പ്രക്ഷോ​ഭത്തിനൊരുങ്ങുന്നത്.

രാജ്യത്തെ ഒരു തൊഴി​ലാ​ളി​യുടെ കുറഞ്ഞ പ്രതി​മാസ വേതനം 4628 രൂപ​യാ​ണെന്ന് കേന്ദ്ര തൊഴിൽ മന്ത്രി സന്തോഷ് കുമാർ ഗാംഗ്‌വാർ പ്രസ്താ​വി​ച്ചി​ട്ടു​ണ്ട്. രണ്ടു​വർഷം മുമ്പ് മോദി സർക്കാർ പ്രഖ്യാ​പിച്ച കുറഞ്ഞ ദിവസ വേത​ന​ത്തെ​ക്കാൾ കേവലം 2 രൂപ​യുടെ വർദ്ധ​ന മാത്രം. കഴിഞ്ഞ 2 വർഷം കൊണ്ട് നിത്യോ​പ​യോഗ സാധ​ന​ങ്ങ​ളുടെ വിലവർദ്ധ​ന 30 ശതമാനത്തോള​മാ​ണെന്ന് അനൗ​ദ്യോഗിക കണ​ക്കു​ക​ൾ വെളി​പ്പെ​ടു​ത്തി​യി​ട്ടു​മു​ണ്ട്.
തൊഴി​ലാ​ളി​ക​ളുടെ കുറഞ്ഞ വേതനം നിശ്ച​യി​ക്കു​ന്ന​തിന് സർക്കാർ നിയോ​ഗിച്ച കമ്മി​റ്റി​ക​ളുടെ നിർദ്ദേ​ശ​ങ്ങളും, 15​-ാം ഇന്ത്യൻ ലേബർ കോൺഫ​റൻസു​കൾ കണ​ക്കാ​ക്കി​യ​ത​നു​സ​രി​ച്ചുള്ള വേതന നിർണയ മാന​ദ​ണ്ഡവും, 25 ശതമാനം വർദ്ധ​ന​യെന്ന സുപ്രീം​കോ​ടതി വിധിയും കാറ്റിൽ പറ​ത്തി​യാണ് ഇപ്പോ​ഴത്തെ തീരു​മാനം. കോർപറേ​റ്റു​കൾക്ക് 400 കോടി​യി​ല​ധികം രൂപയുടെ ഇള​വു​കൾ നല്കി​യ​പ്പോ​ഴാണ് പാവ​പ്പെട്ട തൊഴി​ലാ​ളി​ക​ളോട് മോദി സർക്കാ​രിന്റെ ഈ കിരാ​ത​മായ നില​പാ​ടെന്നും സുഗുണൻ ആരോപിച്ചു.