ആറ്റിങ്ങൽ: കേന്ദ്ര ഗവ. സി.ഡി.ടി.പി പദ്ധതി പ്രകാരം ആറ്റിങ്ങൽ ഗവ. പോളിടെക്നിക് കോളേജും എസ്.എൻ.ഡി.പി യോഗം ആറ്റിങ്ങൽ യൂണിയനും സംയുക്തമായി എല്ലാ വിഭാഗം വനിതകൾക്കുമായി സംഘടിപ്പിച്ച സൗജന്യ എംബ്രോയിഡറി, ഫാബ്രിക് പെയിന്റിംഗ്, ഫുഡ് പ്രോസസിംഗ് കോഴ്സുകളിൽ വിജയിച്ചവർക്കുള്ള സർട്ടിഫിക്കറ്റ് വിതരണ ഉദ്ഘാടനം യൂണിയൻ സെക്രട്ടറി എം. അജയൻ നിർവഹിച്ചു.
പ്രോഗ്രാം ജൂനിയർ കൺസൾട്ടന്റ് പി. ഗോപകുമാർ അദ്ധ്യക്ഷത വഹിച്ചു. ട്രെയിനിംഗ് ഇൻസ്ട്രക്ടർമാരായ ബിന്ദു, വനിത, യൂണിയൻ കൗൺസിലർ ദഞ്ചുദാസ്, യൂണിയൻ വനിതാ സംഘം ഭാരവാഹികളായ ഉഷ, പ്രശോഭാ ഷാജി. ബിന്ദു ബിനു എന്നിവർ പങ്കെടുത്തു.