കിളിമാനൂർ: ന​ഗരൂർ തേക്കിൻകാട്ടിൽ കഴിഞ്ഞ ദിവസം രാവിലെ പത്തുമണിയോടെ വീശിയ ശക്തമായ കാറ്റിലും മഴയിലും നിരവധി വൃക്ഷങ്ങൾ കടപുഴകി. ന​ഗരൂർ തേക്കിൻകാട് മെയിൻറോഡിന് കുറുകെ തേക്കുമരം കടപുഴകി ​ഗതാ​ഗതം സ്തംഭിച്ചു. ഈ സമയം ഇതുവഴി വാഹനങ്ങൾ ഇല്ലായിരുന്നതിനാൽ വൻദുരന്തം തെന്നിമാറി. തേക്കിൻകാട് ​ഗവ. വി.എസ്.എൽ.പിഎസിലെ ഇടറോഡിലും തേക്കുമരം കടപുഴകി വീണു. കാറ്റിൽ മരച്ചില്ല പതിച്ച് തേക്കിൻകാട് പരവൻവിളാകത്ത് അമ്പിളിയുടെ ഓടുമേഞ്ഞ വീടിനും നാശനഷ്ടമുണ്ടായി. ആറ്റിങ്ങലിൽ നിന്ന് എത്തിയ ഫയർഫോഴ്സ് സംഘം രക്ഷാപ്രവർത്തനം നടത്തി ​ഗതാ​ഗതം പുനഃസ്ഥാപിച്ചു. ഫയർഫോഴ്സ് അം​ഗങ്ങളായ ടി. ശശികുമാർ, എസ്.ഡി സജിത്ത്ലാൽ, സി.ആർ. ചന്ദ്രമോഹൻ, ജി. അനീഷ്, കെ. ബിനു, എം. മനു, രാജഗോപാൽ തുടങ്ങിയവർ നേതൃത്വം നൽകി. കാറ്റിൽ വാഴകൃഷി അടക്കമുള്ളവ നശിക്കുകയും ചെയ്തു.