തിരുവനന്തപുരം:ഈ വർഷത്തെ കാലവർഷത്തിലും മണ്ണി​ടി​ച്ചി​ലിലും ഉരുൾപൊ​ട്ട​ലിലും സംസ്ഥാ​നത്ത് പൊതു​മ​രാ​മത്ത് വകു​പ്പിന് 2611 കോടി രൂപ​യുടെ നാശ​ന​ഷ്ട​മു​ണ്ടാ​യ​തായി മന്ത്റി ജി.​സു​ധാ​ക​രൻ പറ​ഞ്ഞു. കഴിഞ്ഞ വർഷത്തെപ്രള​യ​ക്കെ​ടു​തി​യിൽ ലോക​ബാ​ങ്കി​ന്റെയും യു.​എൻ.​ഡ​വ​ല​പ്‌മെന്റ് കമ്മി​​റ്റി​യു​ടെയും കണക്ക് പകാരം പൊതു​മ​രാ​മത്ത് വകു​പ്പിന് 11,000കോടിയുടെ നാശ​ന​ഷ്ട​മാണ് ഉണ്ടാ​യ​ത്. ഇതിന്റെ പുനർനിർമാണം നടക്കുന്നതിനിടെയാണ് പുതിയ നഷ്ടം.പൊതു​മ​രാ​മത്ത് വകുപ്പ് നിരത്ത് വിഭാ​ഗ​ത്തിന്റെ 1600 കിലോ​മീ​​റ്റർ റോഡ് തകർന്നു. ഇത് മികച്ച രീതി​യിൽ പുനർനിർമ്മി​ക്കു​ന്ന​തിന് 2000 കോടി വേണ്ടി വരും. മഴ​ക്കെ​ടുതി മൂലം 88 പാല​ങ്ങൾക്ക് കേടു​പാ​ടു​കൾ സംഭ​വി​ച്ചു. അതി​ന് 159 കോടിയും 80 സർക്കാർ കെട്ടി​ട​ങ്ങൾക്ക് ഉണ്ടായ നാശ​നഷ്ടം പരി​ഹ​രി​ക്കു​ന്ന​തിന് 2 കോടിയും മഴ​ക്കെ​ടുതി മൂലം തകർന്ന 308 കിലോ​മീ​​റ്റർ ദേശീ​യ​പാത പുനർനിർമ്മിക്കാൻ 450 കോടിയും വേണമെന്നാണ് പ്രാഥമിക റിപ്പോർട്ട്.