കഴക്കൂട്ടം: ശ്രീകാര്യത്ത് ഒരു കിലോയിലധികം കഞ്ചാവുമായി രണ്ട് പേർ പിടിയിലായി. ഉള്ളൂർ, പാറോട്ട് കോണം, സ്നേഹ ജംഗ്ഷനിൽ ടെംപിൾ റോഡ് പുതുവൽ പുത്തൻ വീട്ടിൽ വിധു (34) ഉള്ളൂർ, പാറോട്ട് കോണം ചിറയിൽ പുത്തൻ വീട്ടിൽ രാജേഷ് (38) എന്നിവരാണ് ശ്രീകാര്യം കരിയിൽ മാർക്കറ്റ് ജംഗ്ഷനിൽ വച്ച് പിടിയിലായത്. പ്രതി രാജേഷ് നിരവധി ക്രിമിനൽ കേസുകളിൽ പ്രതിയും ആർ.എസ്.എസ് പ്രവർത്തകനെ ആക്രമിച്ച കേസിൽ 8 വർഷം തടവിൽ കഴിഞ്ഞിട്ടുള്ള ആളുമാണെന്ന് എക്‌സൈസ് ഇൻസ്‌പെക്ടർ പറഞ്ഞു. എക്‌സൈസ് റേഞ്ച് ഇൻസ്‌പെക്ടർ എ. പ്രദീപ് റാവു, അസിസ്റ്റന്റ് എക്‌സൈസ് ഇൻസ്‌പെക്ടർ മുകേഷ് കുമാർ എന്നിവരുടെ നേതൃത്വത്തിൽ പ്രിവന്റീവ് ഓഫീസർമാരായ ഹരികുമാർ.കെ.ആർ, രാജേഷ് സി.ഇ.ഒമാരായ ജസിം, സുബിൻ, രാജേഷ്, ഷംനാദ്, വനിതാ സി.ഇ.ഒ സ്മിത, ഡ്രൈവർ സുനിൽ കുമാർ എന്നിവർ അടങ്ങുന്ന സംഘമാണ് പ്രതിയെ പിടികൂടിയത്.