തിരു​വ​ന​ന്ത​പു​രം: തേനും വയമ്പും ഓലവാച്ചും കതിരണിഞ്ഞ അക്ഷര ഫലകവും നൽകി മലയാളം പള്ളി​ക്കൂടം ന​വാ​ഗ​തരെ എതിരേ​റ്റു. പരമ്പരാഗത രീതിയിൽ വെറ്റിലയും നാണയവും ദക്ഷിണ നൽകി നൂറിൽപ്പരം കു​ട്ടി​ക​ളാണ് മണലിൽ അക്ഷരം കുറി​ച്ച് പ​ള്ളി​ക്കൂ​ട​ത്തി​ലെ പുതി​യ പഠി​താക്കളാ​യ​ത്. ചി​രട്ട​പ്പുട്ട് മുതൽ കളി​വീട് വരെ ഒ​രു​ക്കിക്കൊണ്ട് ബാല്യ​കാ​ല​ത്തി​ന്റെ മ​ധുരം പ​ക​ർന്നാണ് തൈ​ക്കാ​ട് മോ​ഡൽ എൽ.പി സ്‌കൂൾ കാ​മ്പ​സിൽ പ്ര​വേ​ശ​നോത്സ​വം ഒ​രു​ക്കി​യ​ത്. മ​ല​യാ​ളം പ​ള്ളി​ക്കൂ​ട​ത്തി​ലെ ആ​റാമ​ത്തെ ബാ​ച്ചാ​ണ് ചി​ങ്ങ മാ​സ​ത്തി​ന്റെ രണ്ടാം നാ​ളിൽ മ​ലയാ​ള ഭാ​ഷ​യു​ടെ മ​ധു​രം നു​കരാൻ എ​ത്തി​യത്. ചടങ്ങ് സം​വി​ധായകൻ അ​ടൂർ ഗോപാലകൃഷ്ണൻ ഉദ്ഘാടനം ചെയ്​തു. കുട്ടികളോ​ടൊപ്പം ചി​രട്ട​പ്പുട്ട് ഉണ്ടാക്കി അടൂരും ബാല്യത്തിന്റെ മാധുര്യം ആസ്വദി​ച്ചു. ദശ​പുഷ്പങ്ങളുൾപ്പെടെ നാനാതരം നാ​ട്ടുചെടിക​ളെ ​സാ​ഹി​ത്യ​കാരൻ വട്ടപ്പറമ്പിൽ പീതാംബരൻ കുട്ടികൾക്ക് പരിചയപ്പെടുത്തി. മ​ല​യാളം പള്ളിക്കൂടം പുറത്തിറക്കിയ വാർത്താപത്രിക ഡോ. അച്യുത് ശങ്കറിന് നൽകി അടൂർ ഗോ​പാ​ല​കൃ​ഷ്ണൻ പ്രകാശനം ചെയ്​തു. നെല്ലിയോട് വിഷ്ണു നമ്പൂതിരി ജനകീയ രീതിയിൽ അവതരിപ്പിച്ച രുഗ്മിണീ സ്വയംവരം ഓട്ടൻതുള്ളൽ കുട്ടികളും മുതിർന്നവരും ഒരുപോലെ ആസ്വദിച്ചു. ചടങ്ങിൽ ആർട്ടിസ്റ്റ് ഭട്ടതിരി, സാംസ്‌കാരിക വകുപ്പ് അ​ഡിഷണൽ സെക്രട്ടറി കെ. ഗീത, കനറാബാങ്ക് ജനറൽ മാനേജർ ജി.കെ. മായ, കവി ഡോ. ബിജു ബാലകൃഷ്ണൻ, എൻ.കെ. സുനിൽകുമാർ എന്നിവ​രും പങ്കെടു​ത്തു.