തിരുവനന്തപു​രം: പൊ​ലീസ് ബ​റ്റാ​ലി​യ​നു​ക​ളി​ലേക്ക് ഉൾപ്പെടെ കൂ​ടു​തൽ ഉ​ദ്യോ​ഗാർ​ത്ഥി​കൾ പ​ങ്കെ​ടു​ക്കു​ന്ന പ​രീ​ക്ഷ​ക​ൾ വിവിധ ഘ​ട്ട​ങ്ങ​ളി​ലായി ന​ടത്തുന്ന കാര്യം പി.എ​സ്.സി ആ​ലോ​ചിക്കുന്നു. പി.എ​സ്.സി പ​രീ​ക്ഷാ ന​ട​ത്തി​പ്പി​ലെ ക്രമക്കേടുകളെപ്പപ​റ്റി ആ​രോപ​ണം ഉ​യ​ർ​ന്ന സാ​ഹ​ച​ര്യ​ത്തി​ലാ​ണിത്. ​

നില​വിൽ 15 ലക്ഷത്തോളം പേർ എഴുതുന്ന എൽ.ഡി.സി പരീക്ഷകൾ വിവിധ ഘട്ടങ്ങളിലായാണ് പി.എസ്.സി നടത്തു​ന്ന​ത്. ഈ മാ​തൃ​കയിൽ ലാ​സ്റ്റ് ഗ്രേ​ഡ് അ​ട​ക്കം ല​ക്ഷ​ക്ക​ണ​ക്കി​ന് ഉ​ദ്യോ​ഗാർ​ത്ഥികൾ എ​ഴു​തു​ന്ന പ​രീ​ക്ഷ​ക​ളാ​വും വ്യ​ത്യസ്​ത ഘ​ട്ട​ങ്ങ​ളി​ലാ​യി ന​ട​ത്തുക. ഇതിന്റെ ആദ്യപടിയായി, സംസ്ഥാനത്ത് വ​നിതാ ബറ്റാലിയനിലടക്കം എട്ട് പൊലീസ് ബറ്റാലിയനിലേക്ക് ഒറ്റ ദിവസംകൊണ്ട് നടത്തിയിരുന്ന ഒ.എം.ആർ പരീക്ഷ ഇനി വിവിധ ഘട്ടങ്ങളിലായി നടത്താൻ ധാരണയാ​യി. കൂ​ടു​തൽ പേർ എ​ഴുതു​ന്ന പ​രീക്ഷ​കൾ വിവി​ധ ദി​വ​സ​ങ്ങ​ളി​ലാ​യി ന​ട​ത്ത​ണ​മെന്ന് പി.എസ്.സി അംഗ​ങ്ങൾ ആ​വ​ശ്യ​പ്പെ​ട്ടി​രുന്നു. എല്ലാ പരീക്ഷാ കേ​ന്ദ്ര​ങ്ങ​ളി​ലും ഉ​ദ്യോ​ഗ​സ്ഥ​രു​ടെയും നി​രീ​ക്ഷ​ക​രു​ടെയും സാ​ന്നിദ്ധ്യം ഉ​റ​പ്പിക്കാൻ ഇത് സഹായകമാകും. പി.എസ്.സി അഡിഷനൽ ചീഫ് സൂപ്ര​ണ്ടിന്റെ സാന്നിദ്ധ്യത്തി​ലാണ് ഒാരോ കേന്ദ്രത്തിലും പരീക്ഷ നടത്തേണ്ടത്. എ​ന്നാൽ വി​വാ​ദ​ത്തിലാ​യ പൊ​ലീ​സ് ബ​റ്റാ​ലി​യൻ പ​രീ​ക്ഷയിൽ 70 ശതമാനം കേന്ദ്രങ്ങളിലും പി.എസ്.സി ഉദ്യോഗസ്ഥരുടെ സാ​ന്നിദ്ധ്യമില്ലായിരു​ന്നു. ആ​റര ലക്ഷം പേ​രാ​ണ് ഈ പരീക്ഷ എഴു​തി​യത്.

ഡ്ര​സ് കോ​ഡിനും

നിർ​ദേശം

പരീക്ഷാ ഹാളിൽ വാച്ച് നിരോധിക്കണമെന്നും ഉദ്യോ​ഗാർത്ഥികൾക്ക് എൻജിനിയറിംഗ്, മെഡിക്കൽ പ്രവേശന പരീക്ഷാ മാതൃകയിൽ ഡ്രസ് കോഡ് ഏർപ്പെടുത്തണമെന്നും ഹാളിൽ പ്രവേശിക്കുന്നവരെ ദേഹ പരിശോധനയ്ക്ക് വിധേയമാക്കണമെന്നുമുള്ള നിർദേശവും കമ്മിഷൻ അംഗങ്ങൾ മുന്നോട്ടുവച്ചിട്ടു​ണ്ട്. എന്നാൽ എല്ലാ അംഗങ്ങളും ഇതിന് അനുകൂലമല്ല. കൂടുതൽ ചർച്ചകൾക്ക് ശേഷമായിരിക്കും ഇത്തരം പരിഷ്‌കാരങ്ങൾ നടപ്പി​ലാക്കു​ക. പ​രീക്ഷാ ഡ്യൂട്ടിക്ക് നിയോഗിക്കപ്പെടുന്ന ഉദ്യോഗസ്ഥർക്ക് കൃത്യമായ പരിശീലനം നൽകാനും പി.എസ്.സി തീരുമാനിച്ചിട്ടു​ണ്ട്.