ചിറയിൻകീഴ്: എസ്.എൻ.ഡി.പി യോഗം അഴൂർ ദൈവദശകം ശാഖയുടെ വാർഷിക സമ്മേളനവും പ്രതിഭാ സംഗമവും എസ്.എൻ.ഡി.പി യോഗം ചിറയിൻകീഴ് യൂണിയൻ പ്രസിഡന്റ് സി.വിഷ്ണുഭക്തൻ ഉദ്ഘാടനം ചെയ്തു.ശാഖാ പ്രസിഡന്റ് കെ.ശശി അദ്ധ്യക്ഷത വഹിച്ചു.യോഗം കൗൺസിലറായി തിരഞ്ഞെടുത്ത ഡി.വിപിൻരാജിനെ പൊന്നാട അണിയിച്ച് ആദരിച്ചു. വിവിധ പരീക്ഷകളിൽ ഉന്നതവിജയം നേടിയവർക്കുള്ള കാഷ് അവാർഡുകളും പുരസ്കാരവും യൂണിയൻ സെക്രട്ടറി ശ്രീകുമാർ പെരുങ്ങുഴി,വൈസ് പ്രസിഡന്റ് പ്രദീപ് സഭവിള എന്നിവരും നിർദ്ധന രോഗികൾക്കുള്ള ചികിത്സാ ധനസഹായ വിതരണം യോഗം ഡയറക്ടർ അഴൂർ ബിജുവും വിതരണം ചെയ്തു.ശാഖാതിർത്തിയിലെ മുഴുവൻ കുടുംബങ്ങൾക്കുമുള്ള ഓണക്കിറ്റ് വിതരണോദ്ഘാടനം സി.വിഷ്ണുഭക്തൻ നിർവഹിച്ചു.ശാഖ സെക്രട്ടറി ജി.രാജൻ, വൈസ് പ്രസിഡന്റ് സത്യൻ,യൂണിയൻ പ്രതിനിധി സുരേഷ്ബാബു, അഴൂർ ശാഖ പ്രസിഡന്റ് സി.ത്യാഗരാജൻ, സെക്രട്ടറി വി.സിദ്ധാർത്ഥൻ, ദൈവദശകം വനിതാസംഘം ശാഖാ പ്രതിനിധി മിനി ജയൻ, യൂത്ത് മൂവ്മെന്റ് പ്രതിനിധി ഉദയൻ എന്നിവർ സംസാരിച്ചു.