തിരുവനന്തപു​രം: രാ​ജ്യത്തെ മു​ഴു​വൻ സ്​ത്രീ​ക​ൾ​ക്കും കു​ട്ടി​കൾക്കും പോ​ഷ​കാ​ഹാ​രം ല​ഭി​ക്കു​ന്നുവെന്ന്

ഉ​റ​പ്പാ​ക്കുന്നതിൽ കേ​ന്ദ്രസർ​ക്കാർ പ്ര​തി​ജ്ഞാ​ബ​ദ്ധ​മാ​ണെ​ന്ന് കേന്ദ്ര വനിതാശിശു വി​കസന മന്ത്രി സ്മൃതി ഇറാ​നി പ​റഞ്ഞു.

തിരുവനന്ത​പുരം ജവഹർ സഹകരണ ഭവ​നിൽ, സ്ത്രീകളിലേയും കുട്ടികളിലേയും പോഷകക്കുറവ് പരിഹരിക്കാ​നാ​യു​ള്ള കേ​ന്ദ്ര സർ​ക്കാ​രിന്റെ പോഷൺ അഭിയാന്റെ ഭാഗമായി സംസ്ഥാന വനിതാ ശിശുവികസന വകുപ്പ് ആവിഷ്​കരിച്ച സമ്പുഷ്ട കേരളം പദ്ധതിയുടെ സംസ്ഥാ​നതല ഉദ്​ഘാ​ട​ന​ച്ച​ട​ങ്ങിൽ മുഖ്യാതിഥിയായി പങ്കെടു​ക്കു​ക​യാ​യി​രു​ന്നു അ​വർ.
പത്ത് കോടി ജനങ്ങളെ പോഷൺ അഭിയാൻ പദ്ധതിയുടെ ഭാഗമാക്കാനാണ്​ ശ്രമിക്കുന്ന​ത്​. എല്ലാ മാസവും എല്ലാ വില്ലേജിലും പോഷകാഹാര, ശുചിത്വ ദിനം ആചരിക്കും. സ്ത്രീകൾക്കും കുട്ടികൾക്കും വേ​ഗ​ത്തിൽ നിയമസഹായവും നീതിയും ല​ഭി​ക്കാൻ എല്ലാ ജില്ലയിലും വൺ സ്​​റ്റോപ്പ്​​ ക്രൈസിസ്​​ സെന്ററുകൾ തുടങ്ങാൻ തുക അനുവ​ദി​ച്ച​താ​യും സ്​മൃ​തി ഇ​റാനി പ​റ​ഞ്ഞു. ഐ.എൽ.എ. മൊഡ്യൂളുകളുടെ പ്രകാ​ശ​നവും സ്​മൃ​തി ഇ​റാനി നിർ​വ​ഹി​ച്ചു.
സ​മ്പു​ഷ്ടകേരളം പദ്ധതിയുടെ സംസ്ഥാനതല ഉദ്ഘാടനവും അംഗൻവാടികൾക്കുള്ള മൊബൈൽ വിതരണവും ഐ.സി.ഡി.എ​സ്.-സി.എ.എസ്. സോ​ഫ്റ്റ്‌വെയർ ഉദ്ഘാടന​വും മുഖ്യമന്ത്രി പിണറായി വിജയൻ നിർവഹി​ച്ചു. ന​വജാ​ത ശി​ശു തൂക്ക​ത്തി​ന്റെ കാ​ര്യ​ത്തിൽ കേരളം തൊ​ട്ട​ടു​ത്ത സം​സ്ഥാ​ന​ത്തെ​ക്കാൾ പി​ന്നി​ലാ​ണെന്നും ഗർ​ഭി​ണി​ക​ളു​ടെ പോ​ഷ​കാഹാ​രക്കുറ​വ് പ​രി​ഹ​രി​ക്ക​ണ​മെന്നും മു​ഖ്യ​മന്ത്രി പ​റഞ്ഞു.
പോഷൻ അഭിയാൻ അവാർഡുകൾ കരസ്ഥമാക്കിയവ​രെ ച​ട​ങ്ങിൽ അ​ദ്ധ്യ​ക്ഷ​യാ​യി​രുന്ന മന്ത്രി കെ.കെ.ശൈ​ലജ ആദരിച്ചു. അം​ഗൻ​വാ​ടി വ​ഴി സ​മ്പു​ഷ്ടീ​ക​രി​ച്ച പാൽ നൽ​കു​ന്ന​തി​ന്റെയും ഫോർട്ടി​ഫൈ​ഡ് ന്യൂ​ട്രി​മി​ക്‌​സ് നൽ​കു​ന്ന​തി​ന്റെയും ഉ​ദ്​ഘാട​നം മന്ത്രി എ.സി.മൊ​യ്​തീൻ നിർ​വ്വ​ഹി​ച്ചു.
വി.എസ്.ശി​വ​കു​മാർ എം​.എൽ.​എ, യു.എൻ.ഡബ്ല്യു.എഫ്.പി. ഹെഡ് എറിസ് കെനിഫി​ക് തു​ട​ങ്ങി​യ​വർ സംസാരിച്ചു. സാ​മൂ​ഹ്യ​നീ​തി വ​കു​പ്പ് സ്‌​പെ​ഷൽ സെ​ക്രട്ട​റി ബി​ജു​പ്ര​ഭാ​ക​ർ സ്വാ​ഗ​തവും ഡ​യ​റ​ക്ടർ ടി.വി.അ​നു​പ​മ ന​ന്ദിയും പ​റഞ്ഞു. കഴിഞ്ഞ വർഷം കാസർ​കോട്, മലപ്പുറം, കണ്ണൂർ, വയനാട് ജില്ലകളിൽ ആരംഭിച്ച സമ്പുഷ്ടകേരളം പദ്ധതിയാണ് സംസ്ഥാന വ്യാപകമാക്കു​ന്നത്.