തിരുവനന്തപുരം : സംസ്ഥാ​നത്തെ അൺ​എ​യ്ഡഡ് മേഖ​ല​യിൽ അട​ക്ക​മുള്ള സ്വകാ​ര്യ​വി​ദ്യാ​ഭ്യാസ സ്ഥാപ​ന​ങ്ങ​ളിലെ ജീവ​ന​ക്കാരെ പ്രസവ അനു​കൂല്യ നിയ​മത്തിന്റെ പരി​ധി​യിൽ ഉൾപ്പെ​ടു​ത്താ​നുള്ള സർക്കാർ തീരു​മാനം സ്വാഗ​താർഹ​മെന്ന് എ.​ഐ.​ടി .​യു.സി സംസ്ഥാന ജന​റൽ സെക്ര​ട്ടറി കെ.​പി.​രാ​ജേ​ന്ദ്രൻ പറഞ്ഞു . സുപ്ര​ധാ​ന​മായ ഇട​പെ​ട​ലാണ് ഈ തീരു​മാ​ന​ത്തി​ലൂടെ ഇട​തു​പക്ഷ ജനാ​ധി​പ​ത്യ​മു​ന്നണി സർക്കാർ നട​ത്തി​യ​ത്. 26 ആഴ്ച ശമ്പ​ള​ത്തോ​ടു​കൂ​ടിയ അവധി ആനു​കൂല്യം ഉറ​പ്പു​വ​രു​ത്തുന്ന നിയമം പാർല​മെന്റ് പാസാ​ക്കി​യിട്ട് രണ്ടു​വർഷ​മാ​യിട്ടും കേവലം 6% തൊഴി​ലാ​ളി​കൾക്ക് മാത്ര​മാണ് രാജ്യത്ത് ഈ ആനു​കൂല്യം ലഭി​ക്കു​ന്ന​ത്. തൊഴി​ലു​റ​പ്പ് മേഖ​ല​യിൽ പണി​യെ​ടു​ക്കുന്ന തൊഴി​ലാ​ളി​കൾക്കും, കു​ടും​ബ​ശ്രീ​യിൽ നിന്ന് വിവിധ സ്ഥാപ​ന​ങ്ങ​ളിൽ നിയ​മി​ച്ചി​ട്ടുള്ള തൊഴി​ലാ​ളി​കൾക്കും, വിവിധ അസം​ഘ​ടിത മേഖ​ല​ക​ളിൽ പണി​യെ​ടു​ക്കുന്ന സ്ത്രീകൾ തൊഴിലാളി​കൾക്കും പ്രസവ ആനു​കൂ​ല്യങ്ങളും, മറ്റു സാമൂ​ഹ്യ​സു​രക്ഷ നിയമ പരി​ര​ക്ഷയും ഉറ​പ്പു​വ​രു​ത്താൻ സർക്കാർ നട​പടി സ്വീക​രി​ക്ക​ണ​മെന്ന് എ.​ഐ.​റ്റി.​യു.സി സംസ്ഥാന സെക്രട്ടറി കെ. പി. രാജേന്ദ്രൻ ആവശ്യപ്പെട്ടു.