ചാരുംമൂട്: പാലമേൽ ഗ്രാമ പഞ്ചായത്തിന്റെ ഒന്നാം വാർഡ് ആയ മുതുകാട്ടുകരയിലെ തകർന്നടിഞ്ഞ റോഡുകൾ സഞ്ചാരയോഗ്യമാക്കണമെന്നാവശ്യവുമായി ബി.ജെ.പി രംഗത്ത്. വണ്ടിപ്പുരമുക്ക് - ചെമ്പകശേരി റോഡ്, ( ശങ്കരത്തിൽ മുക്ക് - നെടിയത്ത് മുക്ക് ) ഇടമല - നൂറനാട് ജങ്ഷൻ റോഡ്, പാറ കനാൽ ജംഗ്ഷൻ - എരുമക്കുഴി മാർക്കറ്റ് എന്നീ ഏറ്റവും അധികമാളുകൾ സഞ്ചരിക്കുന്ന മൂന്നു റോഡുകളും ഉടനടി പുനർനിർമ്മിക്കുന്നമെന്നും അല്ലാത്ത പക്ഷം റോഡ് ഉപരോധമടക്കമുള്ള സമരപരിപാടികളുമായി പാലമേൽ പഞ്ചായത്ത് പടിയ്ക്കൽ ബഹുജനങ്ങളെ പങ്കെടുപ്പിച്ചു ശക്തമായ പ്രതിരോധം തീർക്കുമെന്നും ബിജെപി മുതുകാട്ടുകര വാർഡ് കമ്മിറ്റി അറി​യി​ച്ചു. തകർന്നു കിടക്കുന്ന റോഡുകൾ യുദ്ധകാലാടിസ്ഥാനത്തിൽ പുനർനിർമ്മിക്കണമെന്ന് ബി.ജെ.പി ആവശ്യപ്പെട്ടു. ഭാരവാഹികളായ ജെ. ഹരീഷ് കുമാർ, പി.മോഹനൻ പിള്ള, അഡ്വ.എം.എസ്.ഉണ്ണിത്താൻ, മുരുകൻ, അനിൽ, വരുൺ, ഉണ്ണികൃഷ്ണൻ, രാജനുണ്ണിത്താൻ തുടങ്ങിയവർ നേതൃത്വം നൽകി.