പെരുമ്പാവൂർ: ബസ് സ്റ്റാൻഡ് പരിസരത്ത് പൊലീസ് അനധികൃത കച്ചവടക്കാരെ ഒഴിപ്പിച്ചു. പെരുമ്പാവൂർ ഡിവൈ എസ് പിയുടെ കീഴിലുളള മുഴുവൻ സി ഐമാരും , എസ് ഐമാരും പങ്കെടുത്ത ക്ളീൻ പെരുമ്പാവൂർ ദൗത്യമാണ് ഇന്നലെ രാവിലെ നടന്നത്.

ബസ് സ്റ്റാൻഡ് കേന്ദ്രീകരിച്ച് സാമൂഹ്യവിരുദ്ധർ അഴിഞ്ഞാടുന്നതായി പൊലീസിന് വിവരം ലഭിച്ചി​രുന്നു.സ്പെഷ്യൽ ബ്രാഞ്ചും റൂറൽ എസ് പിക്ക് റിപ്പോർട്ട് നൽകിയിരുന്നു. . അനധികൃത ക്യാമറകൾ സ്ഥാപിച്ചതായും റി​പ്പോർട്ടുണ്ടായി​രുന്നു.ബസ് സ്റ്റാൻഡി​ൽ ചീട്ടുകളി, ചൂതാട്ടം,അനാശ്യാസം എന്നിവ നടന്നതിനെ സംബന്ധിച്ചും പൊലീസ് അന്വേഷിച്ച് വരികയാണ്. ഇതിനായി സ്‌ക്വാഡിനെ നിയോഗിച്ചിട്ടുണ്ട്.

നമ്മളുടെ അന്വേഷണം വഴി​ത്തി​രി​വായി​

'നമ്മൾ' എന്ന ചാരിറ്റി സംഘടന നടത്തിയ അന്വേഷണത്തിലാണ് ബസ് സ്റ്റാൻഡ് കേന്ദ്രീകരിച്ച് സാമൂഹ്യവിരുദ്ധരുടെ പ്രവർത്തനങ്ങൾ കണ്ടെത്തിയത്. തുടർന്ന് വിവിധ വ്യാപാരി സംഘടനകളും ഇതിന് പിന്തുണയറിയിച്ച് രംഗത്തെത്തി.ഇതേത്തുടർന്നാണ് പൊലീസ് നടപടി. വരും ദിവസങ്ങളിലും നടപടിതുടരുമെന്ന് പൊലീസ് അറിയിച്ചു.

ലഹരി​ വി​ൽപ്പനയും സാമൂഹ്യ വി​രുദ്ധ പ്രവർത്തനങ്ങളും തടയും

അനധി​കൃത കച്ചവടക്കാരെ ഒഴി​പ്പി​ച്ചു