മൂവാറ്റുപുഴ . ഓണക്കാലത്ത് വിലക്കയറ്റം തടയുക, ഭക്ഷ്യവസ്തുക്കൾ മിതമായ നിരക്കിൽ ജനങ്ങളിലെത്തിക്കുക എന്ന ലക്ഷ്യത്തോടെ കടാതി റൂറൽ സഹകരണ സംഘത്തിന്റെ ആഭിമുഖ്യത്തിൽ സംഘടിപ്പിക്കുന്ന ഓണം വിപണിക്ക് ഇന്ന് തുടക്കമാകും. അരി, പച്ചരി , പഞ്ചസാര, വെളിച്ചെണ്ണ, വൻപയർ, ചെറുപയർ, തുവര, ഉഴുന്ന്, കടല, മല്ലി, മുളക് എന്നിവ സബ്സിഡി നിരക്കുകളിലും, മറ്റ് 30 ഇനം സാധനങ്ങൾ പൊതുവിപണിയിലെ വിലയിൽ നിന്നും 20 മുതൽ 30 ശതമാനം വരെ വിലക്കുറവിൽ സംഘത്തിന്റെ ഓണം വിപണിയിൽ നിന്നു ജനങ്ങൾക്ക് ലഭ്യമാകും. ഓണം വിപണിയുടെ ഉത്ഘാടനം ഇന്ന് രാവിലെ 10ന് സംഘം പ്രസിഡന്റ് പി.പി.എൽദോസ് നിർവ്വഹിക്കും. തിരുവോണം വരെ വിപണി പ്രവർത്തിക്കും.