ഇടപ്പള്ളി: ഇടപ്പള്ളി റെയിൽവേ സ്റ്റേഷനിലെ പ്ളാറ്റ്ഫോം പണി റെയിൽവേയ്ക്കും ഇടപ്പള്ളിക്കും നാണക്കേടായി. പണിത് ഒരു മാസം തികയും മുമ്പ് പൊളിഞ്ഞു താണ പുതിയ പ്ളാറ്റ്ഫോം റെയിൽവേ എൻജിനിയറിംഗ് വിഭാഗത്തിന്റെ കഴിവില്ലായ്മയെ തെളിയിക്കുന്നതായി. പ്ളാറ്റ്ഫോം നി​ർമ്മാണത്തി​ലെ അപാകതകൾ ഒന്നൊന്നായി​ വെളി​ച്ചത്തുവരി​കയാണ്. ജലവിതരണ പൈപ്പ് പൊട്ടി ഒരു ഭാഗത്തു വെള്ളം കോൺക്രീറ്റിനു മുകളിലൂടെ ചോർന്നൊലിക്കുകയാണി​പ്പോൾ. ഒന്നാം പ്ളാറ്റ്ഫോമിന്റെ മേൽപ്പാലത്തിന് അടുത്തായി മൂന്നുമാസം മുമ്പ് പുതുതായി സ്ഥാപിച്ചതാണ് ഈ പൈപ്പ്. നിലവാരം ഇല്ലാത്ത നിർമ്മാണം തന്നെയാണ് ഇവി​ടെയും പ്രശ്നം. ഇടി​ഞ്ഞു താണ പുതി​യ പ്ളാറ്റ്ഫോമി​ൽ കരി​ങ്കൽപൊടി​ നി​റച്ച് സൂത്രപ്പണി​യും നടക്കുന്നുണ്ട്. വിള്ളൽ ഇപ്പോൾ കൂടുതൽ ഭാഗങ്ങളിലേക്ക് വ്യാപിക്കുകയാണ്.

സംരക്ഷണ ഭിത്തി കെട്ടാതെ നിർമ്മാണം നടത്തിയത് മൊത്തം പ്ളാറ്റ്ഫോമി​നും ഭീഷണി​യാണ്. പ്ളാറ്റ്ഫോം എപ്പോൾ വേണമെങ്കി​ലും ഇടി​ഞ്ഞുപോകാനും ഇടയുണ്ട്. ഇവിടെ മണൽ ചാക്കുകൾ അടുക്കി വച്ചി​രി​ക്കുകയാണ്.

#50 ലക്ഷം ചിലവ്