കിഴക്കമ്പലം: എടത്തല പോസ്​റ്റോഫീസിൽ തപാൽ വിതരണത്തിന് ആവശ്യത്തിന് തപാൽ ജീവനക്കാരെ നിയമിക്കണമെന്നാവശ്യപ്പെട്ട് സി.പി.എം നേതൃത്വത്തിൽ പുക്കാട്ടുപടിയിൽ ശ്രദ്ധക്ഷണിക്കൽ സമരവും ഒപ്പുശേഖരണവും നടത്തി. ആവശ്യത്തിനു ജീവനക്കാരില്ലാത്തിനാൽ തപാൽ ഉരുപ്പടികൾ ജനങ്ങൾക്ക് കൃത്യമായി ലഭിക്കാത്ത അവസ്ഥയാണുള്ളത്. പോസ്‌​റ്റോഫീസുമായി ബന്ധപ്പെട്ടുള്ള സേവനങ്ങളും ജനങ്ങൾക്ക് കിട്ടുന്നില്ല. നിരവധി പരാതികൾ തപാൽ വകുപ്പ് അധികൃതർക്ക് ഉപഭോക്താക്കൾ നൽകിയെങ്കിലും നടപടിയില്ല. അധികൃതരുടെ അനാസ്ഥയ്ക്കെതിരെ സി.പി.എം ബ്രാഞ്ച് കമ്മി​റ്റികളുടെ നേതൃത്വത്തിൽ ശ്രദ്ധക്ഷണിക്കൽ സമരവും ഒപ്പുശേഖരണവും സംഘടിപ്പിച്ചു. സി.പി.എം കോലഞ്ചേരി ഏരിയാ കമ്മി​റ്റി അംഗം കെ.കെ ഏലിയാസ് സമരം ഉദ്ഘാടനം ചെയ്തു. എം.കെ.ജേക്കബ്, പി.ജി സജീവ്, കെ.എം. മഹേഷ്, പി.വി. രാജൻ, ജയൻ പൂക്കാട്ടുപടി, മഹേഷ് മാളേയ്ക്കപ്പടി എന്നിവർ പ്രസംഗിച്ചു.