തിരുവാണിയൂർ:ഇടിഞ്ഞ് വീഴാറായ വീട്ടിൽ കഴിഞ്ഞിരുന്ന സുജാതക്ക് സി.പി.എം സുരക്ഷിത ഭവനമൊരുക്കി.

കനിവ് ഭവനം പദ്ധതിയുടെ ഭാഗമായാണ് വെണ്ണിക്കുളം ലോക്കൽ കമ്മി​റ്റിയാണ് അടച്ചുറപ്പില്ലാത്ത വീട്ടിൽ ഒ​റ്റക്ക് താമസിച്ചിരുന്ന കുഞ്ഞുമോളത്ത് സുജാതക്ക് വീട് നിർമ്മിച്ച് നൽകിയത്. വീടിന് സമീപത്തായി ചേർന്ന സമ്മേളനത്തിൽ ജില്ലാ സെക്രട്ടറി സി എൻ മോഹനൻ താക്കോൽ കൈമാറി. നിർമ്മാണ കമ്മി​റ്റി ചെയർമാൻ എൻ. എസ് സജീവൻ അദ്ധ്യക്ഷനായിരുന്നു. ജില്ലാ കമ്മി​റ്റിയംഗം സി. ബി ദേവദർശനൻ, ഏരിയാ സെക്രട്ടറി സി. കെ വർഗീസ്, ലോക്കൽ സെക്രട്ടറി കെ. സനൽകുമാർ, സി. കെ സന്തോഷ്, ഓമന രാമചന്ദ്രൻ എന്നിവർ സംസാരിച്ചു