പള്ളിക്കര: ഓണച്ചന്ത ഒരുക്കി കുന്നത്തുനാട് സർവീസ് സഹകരണ ബാങ്ക് . കൺസ്യൂമർഫെഡിൽ നിന്നും ലഭിച്ചിട്ടുള്ള നിത്യോപയോഗ സാധനങ്ങൾ വെള്ളി, ശനി ദിവസങ്ങളിൽ കുമാരപുരം ഹെഡ് ഓഫീസിൽ 750 പേർക്കും പട്ടിമ​റ്റം ബ്രാഞ്ചിൽ 750 പേർക്കും വീതം വില്പന നടത്തും. തിങ്കൾ, ചൊവ്വ ദിവസങ്ങളിൽ പച്ചക്കറി ചന്തയും നടത്തും. അർഹരായ ആളുകൾക്ക് റേഷൻ കാർഡ് സഹിതം നേരിട്ടെത്തി വാങ്ങാമെന്ന് അഡ്മിനിസ്‌ട്റേ​റ്റീവ് കമ്മി​റ്റി കൺവീനർ ടി. തോമസും സെക്രട്ടറി സുബിൻ മാത്യു കുര്യനും പറഞ്ഞു. ലഭ്യമായ ഉത്പന്നങ്ങൾ തീരുന്നതുവരെ മാത്രമേ വിതരണം ഉണ്ടായിരിക്കുകയുള്ളു.