മൂവാറ്റുപുഴ: എസ് എൻ ഡി പി യോഗം മൂവാറ്റുപുഴ യൂണിയന്റെ നേതൃത്വത്തിൽ ശ്രീനാരായണ ഗുരുദേവ ജയന്തി ആഘോഷത്തിനുള്ള ഒരുക്കങ്ങൾ പൂർത്തിയായി. 13 -ന് രാവിലെ 8ന് ഗുരുപൂജയും , വിശേഷാൽ വഴിപാടുകളും ശ്രീകുമാര ഭജന ദേവസ്വം ക്ഷേത്രത്തിൽ നടക്കും. വെെകീട്ട് 3ന് ചതയ ദിന ഘോഷയാത്ര ആരംഭിക്കും. ക്ഷേത്രത്തിലെ ഗുരുമണ്ഡപത്തിൽ നിന്നും ആരംഭിക്കുന്ന ചതയദിന ഘോഷയാത്ര നഗരം ചുറ്റി മൂവാറ്റുപുഴ ടൗൺ ഹാളിൽ എത്തും . പൊതു സമ്മേളനം അഡ്വ. ഡീൻ കുര്യാക്കോസ് എം പി ഉദ്ഘാടനം ചെയ്യും. യൂണിയൻ പ്രസിഡന്റ് വി.കെ. നാരായണൻ അദ്ധ്യക്ഷത വഹിക്കും. സെക്രട്ടറി ഇൻ ചാർജ്ജ് അഡ്വ. എ.കെ. അനിൽകുമാർ സ്വാഗതം പറയും. എൽദോഎബ്രാഹാം എം എൽ എ മുഖ്യ പ്രഭാഷണം നടത്തും. മുൻ എം.എൽ.എ ഗോപി കോട്ടമുറിക്കൽ ചതയ ദിന സന്ദേശം നൽകും. വിദ്യാഭ്യാസ അവാർഡ് ദാനം നഗരസഭ ചെയർപേഴ്സൺ ഉഷ ശശിധരൻ നിർവ്വഹിക്കും. പിന്നോക്ക വിഭാഗ വികസന കോർപ്പറേഷൻ ചെയർമാൻ ടി.കെ. സുരേഷ്, യോഗം ഡയറക്ടർ ബോർഡ് മെമ്പർമാരായ അഡ്വ. എൻ. രമേശ്, പ്രമോദ് കെ. തമ്പാൻ, വാർഡ് കൗൺസിലർ സിന്ധു ഷെെജു എന്നിവർ സംസാരിക്കും. യൂണിയൻ കൗൺസിലർമാരായ പി.ആർ. രാജു, ടി. വി. മോഹനൻ, എം.ആർ. നാരായണൻ, എ. സി. പ്രതാപ ചന്ദ്രൻ , വി. എൻ. വിജയൻ, യൂണിയൻ പഞ്ചായത്ത് സമതി അംഗങ്ങളായ എം. എസ്. വിൽസൻ, എൻ. ആർ.ശ്രീനിവാസൻ, വനിത സംഘം പ്രസി‌ഡന്റ് നിർമ്മല ചന്ദ്രൻ, സെക്രട്ടറി ഇൻ ചാർജ്ജ് ഭാനുമതി ഗോപിനാഥ്, യൂത്ത് മൂവ്മെന്റ് പ്രസിഡന്റ് എം.ആർ. സിനോജ്, സെക്രട്ടറി പി.എസ്. ശ്രീജിത്ത് , സെെബർ സേന ചെയർമാൻ പി.വി. അനീഷ് എന്നിവർ പങ്കെടുക്കും. യൂണിയൻ വെെസ് പ്രസിഡന്റ പി.എൻ. പ്രഭ നന്ദി പറയും .

ശ്രീനാരായണ ഗുരുദേവന്റെ 165-ാംമത് ജയന്തി ആഘോഷം വിപുലമായ പരിപാടികളോടെയാണ് മൂവാറ്റുപുഴ യൂണിയൻ നടത്തുന്നത്. യൂണിയന്റെയും വിവിധ ശാഖകളുടേയും , വനിത സംഘം, യൂത്ത് മൂവ്മെന്റ് എന്നീ പോഷക സംഘടനകളുടേയും ആഭിമുഖ്യത്തിൽ പ്രൗഢ ഗംഭീര ഘോഷയാത്രയാണ് നഗരത്തിൽ നടത്തുന്നത്. ഗുരുദേവ കൃതികളും ദർശനങ്ങളും നൽകുന്ന നന്മയുടെ കിരണങ്ങൾ പ്രകാശിപ്പിച്ചായിരിക്കും മൂവാറ്റുപുഴ യൂണിയന്റെ ജയന്തി ആഘോഷമെന്ന് പ്രസിഡന്റ് വി. കെ. നാരായണൻ അറിയിച്ചു.