കൊച്ചി: ഗണേശോത്സവ ട്രസ്റ്റിന്റെ ആഭിമുഖ്യത്തിൽ നടത്തിയ ഗണേശോത്സവം 2019 സമാപിച്ചു. നിമജ്ജന ഘോഷയാത്രയ്ക്ക് മുന്നോടിയായുള്ള സാംസ്‌കാരിക സമ്മേളനത്തിൽ വച്ച് മുൻ മന്ത്രി പി .സി .തോമസ് ഈ വർഷത്തെ പത്മ അവാർഡ് ജേതാവും സംഗീത സംവിധായകനും കർണാടക സംഗീതജ്ഞനുമായ കെ ജി ജയനെ ആദരിച്ചു. ഗണേശോത്സവം ട്രസ്റ്റ് എറണാകുളം ജില്ലാ പ്രസിഡന്റ് സജി തുരുത്തിക്കുന്നേൽ അദ്ധ്യക്ഷനായി. ജനറൽ കൺവീനർ അജികുമാർ നായർ,​ ബി.ജെ.പി സംസ്ഥാന ജനറൽ സെക്രട്ടറി എൻ.രാധാകൃഷ്ണൻ, സി. ജി രാജഗോപാൽ, ഡോക്ടർ മുരളീധരൻപിള്ള, മേൽശാന്തി അമർനാഥ് ശർമ, ടി. ബാലചന്ദ്രൻ, നന്ദിത മേനോൻ , ഷാലി വിനയൻ എന്നിവർ പങ്കെടുത്തു.