മുവാറ്റുപുഴ : മുവാറ്റുപുഴ താലൂക്കിൽ കൃഷി വകുപ്പിന്റെ പച്ചക്കറി ,പഴം വിപണികൾ 7 മുതൽ 11 വരെ പ്രവർത്തിക്കും. പൊതുവിപണിയിൽ ലഭിക്കുന്ന സംഭരണ വിലയേക്കാൾ 10ശതമാനം അധിക വില നൽകി കർഷകരിൽ നിന്നും സംഭരിക്കുന്ന പച്ചക്കറികൾ 30ശതമാനം വിലക്കുറവിൽ ഉപഭോക്താക്കൾക്ക് നൽകും. കൂടാതെ ഹോർട്ടികോർപ്പ് മുഖേന സംഭരിക്കുന്ന പച്ചക്കറികളും ഓണവിപണികളിൽ ലഭിക്കും. ഓണവിപണിയുടെ ബ്ലോക്കതല ഉദ്ഘാടനം7 ന് ടൗൺഹാളിൽ രാവിലെ 9.30 ന് എൽദോ എബ്രഹാം എം.എൽ.എ നിർവ്വഹിക്കും. ആദ്യവിൽപ്പന ബ്ലോക്ക് പഞ്ചായത്ത് പ്രസിഡന്റ് ജോസി ജോളി വട്ടക്കുഴി നിർവ്വഹിക്കും. മൂവാറ്റുപുഴ കൃഷിഭവന്റെ ആഭിമുഖ്യത്തിൽ ടൗൺ യു.പി. സ്‌ക്കൂളിൽ നടക്കുന്ന ഓണവിപണി, നഗരസഭ ചെയർ പേഴ്‌സൺ ഉഷ ശശിധരൻ ഉദ്ഘാടനം ചെയ്യും. ആരക്കുഴ സർവ്വീസ് കോഓപറേറ്റീവ് ബാങ്ക് കെട്ടിടത്തിൽ നടക്കുന്ന ഓണവിപണി പഞ്ചായത്ത് പ്രഡിഡന്റ്വള്ളമറ്റം കുഞ്ഞും, ആയവന ഭാഗ്യശ്രീ എക്കോഷോപ്പിൽ നടക്കുന്ന ഓണവിപണി പഞ്ചായത്ത് പ്രഡിഡന്റ. അജീഷ് പി. എസും , ആവോലിയിൽ ആനിക്കാട് സർവ്വീസ് കോഓപറേറ്റീവ് ബാങ്ക് കെട്ടിടത്തിൽ നടത്തുന്ന ഓണവിപണി ജില്ല പഞ്ചായത്ത് പ്രഡിഡന്റഡോളി കുര്യാക്കോസും , കല്ലൂർക്കാട് എക്കോഷോപ്പിൽ ബിൽഡിംഗിൽ നടത്തുന്ന ഓണവിപണി പഞ്ചായത്ത് പ്രസിഡന്റ് ഷീല സണ്ണിയും , മഞ്ഞള്ളൂർ കൂവേലിപ്പടി എക്കോഷോപ്പ് ബിൽഡിംഗിൽ നടത്തുന്ന ഓണവിപണിപഞ്ചായത്ത് പ്രസിഡന്റ് എൻ. ജെ. ജോർജ്ജും വാളകം പഞ്ചായത്ത് എക്കോഷോപ്പിൽ നടത്തുന്ന ഓണവിപണി പഞ്ചായത്ത് പ്രസിഡന്റ് ലീല ബാബുമാറാടിയും കർഷക വിപണിയിൽ നടത്തുന്ന ഓണവിപണി പഞ്ചായത്ത് പ്രസിഡന്റ് ലത ശിവനും ,പായിപ്ര മുടവൂർ ബ്ലോക്ക് കവലയിൽ ഓണവിപണി പഞ്ചായത്ത് പ്രസിഡന്റ് ആലീസ് കെ ഏലിയാസും ഉദ്ഘാടനം ചെയ്യും.