പറവൂർ : പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി പുനർജനി പറവൂരിന് പുതുജീവൻ പദ്ധതിയിൽ നിർമ്മിച്ച പന്ത്രണ്ട് വീടുകളുടെ താക്കോൽദാനം ഇന്ന് വി.ഡി. സതീശൻ എം.എൽ.എ നിർവഹിക്കും. കോട്ടുവള്ളി പഞ്ചായത്തിൽ നാലും ചിറ്റാറ്റുകരയിൽ മൂന്നും വടക്കേക്കരയിൽ രണ്ടും ചേന്ദമംംഗലം, ഏഴിക്കര, പുത്തൻവേലിക്കര എന്നീ പഞ്ചായത്തുകളിൽ ഓരോ വീട് വീതവുമാണ് നിർമ്മിച്ചിട്ടുള്ളത്. ആസ്റ്റർ ഹോംസിന്റേയും റോട്ടറി ക്ളബിന്റേയും സാമ്പത്തിക സഹകരണത്തോടെയാണ് വീടുകളുടെ നിർമ്മാണം പൂർത്തിയാക്കിയത്.