പറവൂർ : പാലാതുരുത്ത് - മുണ്ടുരുത്ത് ഗുരുദേവ സംഘമിത്രയിൽ ഗുരുദേവ ജയന്തി ആഘോഷം 13 ന് സംഘമിത്ര ഹാളിൽ നടക്കും. അഞ്ചിന് പ്രഭാതപൂജ, ആറിന് സമൂഹഹോമം, എട്ടുമുതൽ സമൂഹപ്രാർത്ഥന, ഗുരുദേവ കൃതികളുടെ പാരായണം, ഗുരുപുഷ്പാഞ്ജലി, ഗുരുപൂജ. ഒമ്പതരയ്ക്ക് ചതയദിന സമ്മളനം ഡോ. എം. ശാർങ്‌ഗധരൻ ഉദ്ഘാടനം ചെയ്യും. സംഘമിത്ര ചെയർമാൻ എം.എ. പുഷ്പാംഗദൻ അദ്ധ്യക്ഷത വഹിക്കും. എസ്.എൻ.ഡി.പി പറവൂർ യൂണിയൻ സെക്രട്ടറി ഹരി വിജയൻ മുഖ്യപ്രഭാഷണം നടത്തും. എസ്.എൻ.ഡി.പി യോഗം കൗൺസിലർ ഇ.എസ്. ഷീബ, ചേന്ദമംഗലം ഗ്രാമപഞ്ചായത്ത് പ്രസിഡന്റ് ടി.ജി. അനൂപ്, സംഘമിത്ര സെക്രട്ടറി എം.എം. പവിത്രൻ, വൈസ് ചെയർമാൻ കെ.ജെ. മുരളീധരൻ, ജോയിന്റ് സെക്രട്ടറി എം.ആർ. സുദർശനൻ തുടങ്ങിയവർ സംസാരിക്കും. ഉച്ചയ്ക്ക് 12.30ന് അന്നദാനത്തോടെ സമാപിക്കും.