ഉദയംപേരൂർ: ശ്രീനാരായണ വിജയ സമാജം 1084-ാം നമ്പർ എസ്.എൻ.ഡി.പി ശാഖായോഗത്തിൽ 165 ാം

ഗുരുദേവ ജയന്തി​ ആഘോഷങ്ങളുടെ ഭാഗമായി​

നാളെ രാവിലെ 9 ന് 165 ഇരുചക്രവാഹനങ്ങൾ പങ്കെടുക്കുന്ന വിളംബരറാലി നടക്കും.

13 ന് രാവിലെ 8 ന് ശാഖാങ്കണത്തിലെ ഗുരു മണ്ഡപത്തിലും ശാഖയുടെ തെക്കും,​ വടക്കും,​ അതിർത്തികളിലെ ഗുരുമണ്ഡപങ്ങളിലും ഗുരുപൂജ. 3 ന് വടക്കുംഭാഗം ശ്രീമുരുക കാവടി സംഘം ഗുരുമണ്ഡപത്തിൽ നിന്നും വിവിധ വാദ്യമേളങ്ങൾ,​ നിശ്ചല ദൃശ്യങ്ങൾ,​ നാടൻ കലാരൂപങ്ങൾ,​ പ്രച്ഛന്നവേഷങ്ങൾ എന്നിവയുടെ അകമ്പടിയോടു കൂടി ആരംഭിക്കുന്ന ഘോഷയാത്രയിൽ 17 കുടുംബയൂണിറ്റിലെ കുടുംബാംഗങ്ങളും വനിതാസംഘം,​ യൂത്ത് മൂവ്മെന്റ് കാവടി സംഘം,​ ശ്രീദുർഗ അലങ്കാര കമ്മിറ്റി,​ ദേവസ്വം കമ്മിറ്റി സൈബർസേന എന്നിവയുടെ പ്രവർത്തകരും പങ്കെടുക്കും. വൈകീട്ട് 6.30 ന് ക്ഷേത്രാങ്കണത്തിൽ ദീപാരാധന,​ വിശേഷാൽ പൂജകൾ,​ ദീപക്കാഴ്ച.