കൊച്ചി: എസ്.എൻ.ഡി.പി യോഗം തിരുവാങ്കുളം ശാഖായോഗത്തിന്റെ ചതയം തിരുനാൾ ആഘോഷം വിവിധ പരിപാടികളോടെ നടക്കും. 3.30 ന് കുന്നത്ത്കുളങ്ങര ക്ഷേത്രാങ്കണത്തിൽ നിന്ന് കവലീശ്വരം ഗുരുദേവ ക്ഷേത്രാങ്കണത്തിലേക്ക് ഘോഷയാത്ര. 7 ന് നടപ്പന്തൽ സമർപ്പണം,​ കാരുണ്യനിധി ഉദ്ഘാടനം,​ വിദ്യാഭ്യാസ അവാർഡ് വിതരണം,​ പിറന്നാൾ സദ്യ.

കാഞ്ഞിരമറ്റം - ആമ്പല്ലൂർ ശാഖയുടെയും ശ്രീനാരായണ ധർമ്മപ്രകാശിനിസഭയുടെയും ഇതര പോഷക സംഘടനകളുടെയും ആഭിമുഖ്യത്തിൽ ചതയം തിരുനാൾ ആഘോഷം 2.30 ന് ഘോഷയാത്രയോടെ ആരംഭിക്കും. കാഞ്ഞിരമറ്റം ശ്രീനാരായണ നഗർ,​ ചെത്തിക്കോട്ടു സി.എം. കുഞ്ഞുമ്മൻ മാസ്റ്റർ നഗർ,​ ആമ്പല്ലൂർ ശിവഗിരി നഗർ എന്നിവിടങ്ങളിൽ നിന്ന് ആരംഭിക്കും. വൈകിട്ട് 6 ന് സാംസ്കാരിക സമ്മേളനത്തിൽ ശാഖാ പ്രസിഡന്റ് ടി.കെ. വിജയൻ അദ്ധ്യക്ഷത വഹിക്കും. ആമ്പല്ലൂർ പഞ്ചായത്ത് പ്രസിഡന്റ് ജലജ മോഹനൻ ഉദ്ഘാടനം ചെയ്യും. സാഹിത്യകാരൻ എം.കെ. ഹരികുമാർ മുഖ്യപ്രഭാഷണം നടത്തും. പി.ആർ. ഗോപി സ്വാഗതവും​ ശാഖാ സെക്രട്ടറി കെ.പി. സുരേന്ദ്രൻ നന്ദിയും പറയും.

കണയന്നൂർ - ചോറ്റാനിക്കര ശാഖയുടെ ആഭിമുഖ്യത്തിൽ രാവിലെ 7.30 ന് ഗുരുപൂജ. പതാക ഉയർത്തൽ. 8.15 ന് രഥഘോഷയാത്ര,​ വൈകീട്ട് 4 ന് ചോറ്റാനിക്കര ഗുരുദേവ ക്ഷേത്രാങ്കണത്തിൽ നിന്നും ചതയം തിരുനാൾ ഘോഷയാത്ര. ഘോഷയാത്ര കണയന്നൂർ ശ്രീവല്ലീശ്വര ക്ഷേത്രത്തിൽ എത്തിയതിനു ശേഷം ദീപാരാധന.

തെക്കൻ പറവൂർ ശാഖയുടെ ചതയം തിരുനാൾ ഘോഷയാത്ര വിവിധ പരിപാടികളോടെ നടക്കും. നാളെ വിളംബരജാഥ. വെള്ളിയാഴ്ച വിശേഷാൽ പൂജ, സമൂഹ പ്രാർത്ഥന,​ ശാന്തിഹവനം,​ ശാഖായോഗം പ്രസിഡന്റ് പി.വി. സജീവ് പതാക ഉയർത്തും. 9 ന് വർണോജ്വല ചതയം തിരുനാൾ ഘോഷയാത്ര. പൂക്കള മത്സരം,​ മഹാഗുരു ടെലിഫിലിം പ്രദർശനം. ചതയ പ്രാർത്ഥന,​ വിശേഷാൽ ഗുരുപൂജ,​ അന്നദാനം.