പറവൂർ : പ്രളയാനന്തര പുനർനിർമ്മാണ പ്രവർത്തനങ്ങളുടെ ഭാഗമായി പുന‌ർജനി പറവൂരിന് പുതുജീവൻ പദ്ധതിയിൽ നിർമ്മിച്ച വീടിന്റെ താക്കോൽദാനം വി.ഡി. സതീശൻ എം.എൽ.എ നിർവഹിച്ചു. ലത്തീഫ് കാസിം, അബ്ദുൽ സലാം മൂപ്പൻ, പ്രീതി നെൽസൺ, ഇ.ടി. ജോർജ്, ലത മോഹനൻ, ടി.ഡി. ജോസഫ് തുടങ്ങിയവർ പങ്കെടുത്തു. കോട്ടുവള്ളി പഞ്ചായത്ത് മൂലൻ വീട്ടിൽ മോളി കുര്യാക്കോസിന്റെ കുടുംബത്തിനാണ് വീട് നിർമ്മിച്ചുനൽകിയത്. ആസ്റ്റർ ഡി.എം ഫൗണ്ടേഷന്റെ കീഴിലുള്ള ആസ്റ്റർഹോംസിന്റെ സഹകരണത്തോടെയാണ് നിർമ്മാണം പൂർത്തിയാക്കിയത്.