വൈപ്പിൻ : ശ്രീനാരായണ ഗുരുദേവ ജയന്തി എസ്.എൻ.ഡി.പി യോഗം വൈപ്പിൻ യൂണിയന്റെ ആഭിമുഖ്യത്തിൽ ഇന്ന് ആഘോഷിക്കും. രാവിലെ 9.30ന് യൂത്തുമൂവ്‌മെന്റിന്റെ നേതൃത്വത്തിൽ ചതയദിന വിളംബര ഇരുചക്രവാഹനജാഥ മുനമ്പം ഗുരദേവ ക്ഷേത്രസന്നിധിയിൽ യൂണിയൻ പ്രസിഡന്റ് ടി.ജി. വിജയൻ ഫ്‌ളാഗ് ഒഫ് ചെയ്യും. യൂണിയൻ സെക്രട്ടറി പി.ഡി. ശ്യാംദാസ്, വൈസ് പ്രസിഡന്റ് കെ.വി. സുധീശൻ, ബോർഡ് മെമ്പർ കെ.പി. ഗോപാലകൃഷ്ണൻ, യൂത്ത് മൂവ്‌മെന്റ് പ്രസിഡന്റ് ബിനുരാജ് പരമേശ്വരൻ, സെക്രട്ടറി ഒ.എസ്. അഭിലാഷ് എന്നിവർ സംബന്ധിക്കും. വിളംബരജാഥ വൈപ്പിൻ മുനമ്പം സംസ്ഥാന പാതയിലൂടെ സഞ്ചരിച്ച് വൈപ്പിൻസ്റ്റാൻഡ് വരെ എത്തി തുടർന്ന് പുതുവൈപ്പ് മഹാവിഷ്ണു ക്ഷേത്രാങ്കണത്തിലെ ഗുരുമണ്ഡപത്തിൽ പുഷ്പാർച്ചന നടത്തി സമാപിക്കും.

വൈകടിട്ട് 3 ന് പള്ളത്താംകുളങ്ങര ക്ഷേത്രമൈതാനിയിൽ നിന്ന് പുറപ്പെടുന്ന ഘോഷയാത്രയിൽ യൂണിയനിലെ 22 ശാഖകളും അതാത് ശാഖകളുടെ ബാനറുകൾക്ക് കീഴിൽ അണിനിരക്കും. പഞ്ചവാദ്യം, ചെണ്ടമേളം, തകിൽമേളം, നാസിക്ക് ഡോൾ, ശിങ്കാരിമേളം, കാവടി, തെയ്യം, കരകാട്ടം, നിശ്ചലദൃശ്യങ്ങൾ എന്നിവയോടെ നീങ്ങുന്ന ഘോഷയാത്ര വൈകിട്ട് അഞ്ചോടെ ചെറായി ഗൗരീശ്വര ക്ഷേത്രമൈതാനിയിൽ സമാപിക്കും. തുടർന്ന് നടക്കുന്ന ജയന്തിദിന സമ്മേളനം ഹൈബി ഈഡൻ എം.പി ഉദ്ഘാടനം ചെയ്യും. വി.വി സഭ പ്രസിഡന്റ് ഇ.കെ. ഭാഗ്യനാഥൻ അദ്ധ്യക്ഷത വഹിക്കും. മുഖ്യപ്രഭാഷണവും എസ്.എസ്.എൽ.സി, പ്ലസ് ടു വിജയികൾക്കുള്ള സമ്മാനവിതരണവും എസ്.ശർമ്മ എം.എൽ.എ നിർവഹിക്കും. യൂണിയൻ സെക്രട്ടറി പി.ഡി. ശ്യാംദാസ് സ്വാഗതം പറയും. യൂണിയൻ പ്രസിഡന്റ് ടി.ജി. വിജയൻ ചതയദിന സന്ദേശം നൽകും. വൈസ് പ്രസിഡന്റ് കെ.വി. സുധീശൻ, ബോർഡ് മെമ്പർ കെ.പി. ഗോപാലകൃഷ്ണൻ, വനിതാസംഘം കേന്ദ്രസമിതി പ്രസിഡന്റ് കെ.പി. കൃഷ്ണകുമാരി , വി.വി സഭാ സെക്രട്ടറി എ.എ. മുരുകാനന്ദൻ , സ്‌കൂൾ മാനേജർ അഡ്വ. എൻ.എസ്. അജയ്, വൈപ്പിൻ ബ്ലോക്ക് പഞ്ചായത്ത് പ്രസിഡന്റ് ഡോ. കെ. കെ. ജോഷി, പള്ളിപ്പുറം ഗ്രാമപഞ്ചായത്ത് പ്രസിഡന്റ് പി.കെ. രാധാകൃഷ്ണൻ, ജില്ലാ പഞ്ചായത്ത് അംഗം അയ്യമ്പിള്ളി ഭാസ്‌കരൻ, ബിനുരാജ് പരമേശ്വരൻ, ഒ.എസ്. അഭിലാഷ്, സുധീഷ് കുളങ്ങര, പി.വി. ഗോപി, കെ.എൻ. ഷിബു, ശാന്തിനി പ്രസാദ്, കല സന്തോഷ്, ഷീജ ഷെമൂർ, രാമചന്ദ്രൻ ശാന്തി, വി.എസ്. സനീഷ് ശാന്തി, കെ.ആർ. വിനീഷ്, കെ.പി. സന്തോഷ് എന്നിവർ പ്രസംഗിക്കും.