ആലുവ: 165 -ാമത് ശ്രീനാരായണ ഗുരുദേവ ജയന്തിയാഘോഷത്തോടനുബന്ധിച്ച് ആലുവ അദ്വൈതാശ്രമത്തിൽ ഇന്ന് പ്രത്യേക പൂജകൾ നടക്കും. പുലർച്ചെ 4.30ന് വിശേഷാൽ പൂജയോടെ ചടങ്ങുകൾ ആരംഭിക്കും. ശാന്തി ഹവനം, മഹാജയന്തി ഗുരുപൂജ, 6.30ന് സമൂഹപ്രാർത്ഥന, ധർമ്മ പതാക ഉയർത്തൽ, 8.30ന് ഗുരുദേവ കൃതികളുടെ പാരായണം, ഉച്ചയ്ക്ക് 12.30ന് മഹാഗുരുപൂജ, പ്രസാദ വിതരണം, വൈകിട്ട് 5.30ന് ഗുരുപൂജ, 6.30ന് ദീപാരാധന, സമൂഹപ്രാർത്ഥന എന്നിവ നടക്കും. അദ്വൈതാശ്രമം സെക്രട്ടറി സ്വാമി ശിവസ്വരൂപാനന്ദ, മേൽശാന്തി പി.കെ. ജയന്തൻ, അദ്വൈതാശ്രമം ഭക്തജന സമിതി ചെയർമാൻ പവിത്രൻ സംഗമിത്ര, കൺവീനർ എം.വി. മനോഹരൻ എന്നിവർ നേതൃത്വം നൽകും.