പനങ്ങാട്: കാരുണ്യ ലോട്ടറി​യുടെ നമ്പർതി​രുത്തി​ കുമ്പളത്ത് ലോട്ടറി കച്ചവടക്കാരനെ പറ്റി​ച്ച തൊടുപുഴ കോടിക്കുളം വാഴക്കാലക്കരയിൽ ചെറിയകുന്നേൽ ജയഘോഷ്(40)നെ പനങ്ങാട് പൊലീസ് അറസ്റ്റുചെയ്തു.

3995എന്നഅവസാന നാലക്കനമ്പരിലെ 3എന്ന അക്കംതിരുത്തി സമ്മാനാർഹമായ 8995ആക്കി തിരുത്തിയാണ് തട്ടിപ്പ് നടത്തിയത്. 11000 രൂപയും ആയിരം രൂപയുടെ ടിക്കറ്റും വാങ്ങിയായിരുന്നു തട്ടിപ്പ്.

ലോട്ടറിവില്പനക്കാരനായ പാണാവളളിയിൽ തറയിൽ മോഹനന്റെ പരാതി​യി​ലാണ് അറസ്റ്റ്.

കുമ്പളം സ്കൂൾപടിക്കലാണ് മോഹനന്റെ ലോട്ടറി കച്ചവടം. പ്രതി​ വന്ന ബൈക്കിന്റെ നമ്പർ സഹിതം വിവരങ്ങൾപൊലീസിന് കൈമാറിയപ്പോൾ വൈകുന്നേരത്തെടെ പ്രതിയെ മാടവനയിൽവച്ച് പനങ്ങാട് സി.ഐ.ശ്യമിന്റെ നേതൃത്വത്തിലുളള പൊലീസ് പിടികൂടുകയായിരുന്നു..