അങ്കമാലി: മൂക്കന്നൂർ ഗ്രാമപഞ്ചായത്തിൽ ലൈഫ് ഭവനനിർമ്മാണപദ്ധതിയുടെ രണ്ടാം ഘട്ടത്തിൽ അനുവദിച്ച വീടുകളുടെ നിർമ്മാണം പൂർത്തിയായി. ആദ്യ വീടിന്റെ ഗുണഭോക്താവ് മേരി വർഗീസ് വേഴപ്പറമ്പിലിന് റോജി എം. ജോൺ എം. എൽ. എ. താക്കോൽ കൈമാറി. ഗ്രാമപഞ്ചായത്ത് പ്രസിഡന്റ് ജയരാധാകൃഷ്ണൻ അദ്ധ്യക്ഷത വഹിച്ചു. ഒലീവ് മൗണ്ട് സെന്റ് തോമസ് പള്ളിവികാരി ഫാ. ജോൺസൺ പുതുശേരി, ബ്ലോക്ക് പഞ്ചായത്ത് അംഗം ടി. എം. വർഗീസ്, ഗ്രാമപഞ്ചായത്ത് അംഗങ്ങളായ ഏലിയാസ് കെ. തരിയൻ, കെ. ബി. ബീനിഷ്, ഡെയ്‌സി ഉറുമീസ്, ലീലാമ്മ പോൾ, ജിഷ ജോജി, ബീന ജോൺസൺ, ഗ്രാമപഞ്ചായത്ത് സെക്രട്ടറി കെ.കെ. പ്രശാന്ത് എന്നിവർ പ്രസംഗിച്ചു