കൊച്ചി: തിരുവനന്തപുരം രാജാ രവിവർമ്മ ആർട്ട്സ് ആൻഡ് ലിറ്ററേച്ചർ സൊസൈറ്റി സംഘടിപ്പിച്ച നാഷണൽ ഇന്റർ - കോളേജ് ഇംഗ്ലീഷ് എസ്സേ റൈറ്റിംഗ് കോമ്പറ്റീഷനിൽ തൃശൂർ കൊരട്ടി പൊങ്ങം നൈപുണ്യ കോളേജിലെ ബി.എ ഒന്നാം വർഷ ഇംഗ്ലീഷ് ലിറ്ററേച്ചർ വിദ്യാർത്ഥിനി ആദില ഫിറോസ് വിജയിയായി.

11,​111 രൂപയും പ്രശസ്തിപത്രവും അടങ്ങുന്ന പുരസ്‌കാരം ഒക്ടോബർ 2ന് ഗാന്ധിജയന്തി ആഘോഷങ്ങളോടനുബന്ധിച്ച് നടക്കുന്ന പൊതുസമ്മേളനത്തിൽ മന്ത്രി ഡോ. കെ.ടി. ജലീൽ സമ്മാനിക്കും. ആലുവ - മുപ്പത്തടം സ്വദേശിയായ ആദില ഫിറോസ് എഴുത്തുകാരനും ഹൈദരാബാദ് ജെ.എൻ.എം. ഇൻഡസ്ട്രിയൽ ഇൻഫർമേഷൻ ടെക്നോളജിയിലെ ട്രൈനറുമായ എം.എ ഫിറോസ്ഖാൻ- വാഹിദ ദമ്പതികളുടെ മകളാണ്.