കൂത്താട്ടുകുളം: ലോക സമാധാനത്തിനും കുട്ടികളുടെ ക്ഷേമത്തിനുമായി കുടുതൽ ഇടപെടലുകൾ വേണമെന്നാവശ്യപ്പെട്ട് ഐക്യരാഷ്ട്രസഭ സെക്രട്ടറി ജനറലിന് കൂത്താട്ടുകുളം ഗവ. യു പി.സ്കൂൾ കുട്ടികളുടെ കത്തുകൾ.ലോകസമാധാന ദിനാചരണത്തിന്റൈ ഭാഗമായി സോഷ്യൽ സയൻസ് ക്ലബ്ബ് അംഗങ്ങളാണ് സെക്രട്ടറി ജനറലിന് നൂറോളം കത്തുകളയച്ചത്.ഹോണ്ടുറാസ്, ഗ്വാട്ടിമാല, എൽസാൽവഡോർ എന്നിവിടങ്ങളിലെ അനിയന്ത്രിതമായി തുടരുന്ന അക്രമങ്ങളും ദാരിദ്ര്യവുമാണ് പലരേയും അമേരിക്കയടക്കമുള്ള രാജ്യങ്ങളിലേക്ക് ചേക്കേറാൻ നിർബന്ധിപ്പിക്കുന്നത്. കുടിയേറ്റ ശ്രമത്തിനിടെ നദിയിൽ മുങ്ങിമരിച്ച അച്ഛൻറേയും ഒന്നര വയസുള്ള മകളുടേയും മൃതദേഹത്തിൻറെ ചിത്രം മലയാള പത്രങ്ങളും പ്രസിദ്ധീകരിച്ചിരുന്നു. സ്കൂൾ സോഷ്യൽ സയൻസ് ക്ലബ്ബ് അംഗങ്ങൾ ഇക്കാര്യംചർച്ച ചെയ്തിരുന്നു. .കുട്ടികൾ എഴുതിയ കത്തുകൾ ഹെഡ്മിസ്ട്രസ്
ആർ.വത്സല ദേവി ഏറ്റുവാങ്ങി.പി.ടി.എ പ്രസിഡന്റ് ജോമോൻ കുര്യാക്കോസ്, ജെസി ജോൺ, നിഖിൽ ജോസ്, കൺവീനർമാരായ ബിസ്മി ശശി, ഒ.വി പ്രീതി, ആതിര സുരേഷ്,അശ്വിൻ പി.രാജ്, കൽഹാരബിജോയ്, എന്നിവർ സംസാരിച്ചു.