മൂവാറ്റുപുഴ: ക്യഷി ഭവനുകളുടെയും പൊതു വിദ്യാഭ്യാസ വകുപ്പിന്റെയും നേതൃത്വത്തിൽ മൂവാറ്റുപുഴ ബ്ലോക്കിലെ വിവിധ വിദ്യാലായങ്ങളിൽ പാഠം ഒന്ന് പാടത്തേക്ക് പദ്ധതിക്ക് തുടക്കമായി. കല്ലൂർക്കാട് കൃഷിഭവനുമായി സഹകരിച്ച് വെളളാരംകല്ല് ഗവ: യു.പി സ്‌കൂളിന്റെ മുറ്റത്ത് ഒരുക്കിയ കൃത്രിമ നെൽവയലിൽ സ്കൂൾ വിദ്യാർത്ഥികൾ ഞാറ് നട്ടാണ് പദ്ധതി നടപ്പാക്കിയത് ,ബ്ലോക്ക് പ്രോജക്ട് ഓഫീസർറഷീദ.കെ.എസ് പദ്ധതി ഉദ്ഘാടനം ചെയ്തു. പ്രധാന അദ്ധ്യാപിക ലിൻസി ജോൺഅദ്ധ്യക്ഷത വഹിച്ചു. . കൃഷിഓഫീസർ സാജു.കെ.സി പദ്ധതി വിശദീകരണം നടത്തി. ജീവ.എസ് . പിളള പ്രതിജ്ഞ വാചകം ചൊല്ലിക്കൊവടുത്തു. അഞ്ജന കെ.എസ് സ്വഗതവും ഷെറിന.കെ.പി നന്ദിയുംപറഞ്ഞു .
നാഗപുഴ പാടശേഖരത്തിൽ കല്ലൂർക്കാട് സെന്റ് അഗസ്റ്റ്യൻ യു.പി സ്‌ക്കൂളിലേയും, നാഗപുഴ സെന്റ് മേരിസ് ഹൈസ്‌ക്കൂളിലേയും, പബ്ലിക് സകൂളിലേയും കുട്ടികളും അദ്ധ്യാപകരും ജീവനക്കാരുടേയും നേതൃത്വത്തിൽ ഞാറ് നട്ട് പദ്ധതി നടപ്പാക്കി. സെന്റ് മേരിസ് പബ്ലിക് സ്‌ക്കൂളിലെ പ്രധാനാദ്ധ്യാപകൻ മാത്യു സ്റ്റീഫൻ ഉദ്ഘാടനം നിർവഹിച്ചു. നാഗപുഴ സെന്റ് മേരിസ് ഹൈസ്‌കൂളിലെ പ്രധാനാദ്ധ്യപിക ഷൈനി തോമസ് അദ്ധ്യക്ഷ്യത വഹിച്ചു. കൃഷിഓഫീസർ സാജുകെ.സി പദ്ധതി വിശദീകരണം നടത്തി. ജീവ.എസ് . പിളള പ്രതിജ്ഞ വാചകം ചൊല്ലികൊടുത്തു. സെന്റ് അഗസ്റ്റ്യൻ.യു.പി സ്‌ക്കൂളിൽ സീമ ടീച്ചർ സ്വാഗതവും ഷെറിന.കെ.പി നന്ദിയും പറഞ്ഞു.