കട്ടപ്പന: കഞ്ചാവുമായി ട്രിപ്പ് ജീപ്പിൽ വന്ന യുവാവ് പിടിയിലായി.കമ്പംമെട്ട് എക്‌സൈസ് ചെക്ക് പോസ്റ്റിൽ എക്‌സൈസ് ഇൻസ്പക്ടർ കെ.സന്തോഷ് കുമാറിന്റെ നേതൃത്വത്തിൽ നടത്തിയ വാഹന പരിശോധനയിലാണ് 275 ഗ്രാം കഞ്ചാവുമായാണ് പിടിയിലായത്. കട്ടപ്പന, വെള്ളയാംകുടി ഓവേലിൽ ബിജു ജോൺ (42) ആണ് ട് കമ്പത്തു നിന്നും വാങ്ങിയ കഞ്ചാവുമായി എത്തിയത്.കട്ടപ്പനയിലെ കോളേജ് വിദ്യാർത്ഥികൾക്ക് കഞ്ചാവ് വില്പന നടത്തുന്നയാളാണ് ബിജുവെന്ന് എക്സൈസ് അറിയിച്ചു.. പരിശോധനകളിൽ പ്രിവന്റീവ് ഓഫീസർമാരായ പ്രമോദ്.എം.പി, തോമസ് ജോൺ, സിവിൽ എക്‌സൈസ് ഓഫീസർമാരായ ഡെന്നിസൺ ജോസ്, ജസ്റ്റിൻ പി.സി, റ്റിൽസ് ജോസഫ് , വനിതാ സിവിൽ എക്‌സൈസ് ഓഫീസർ ബിജി.കെ.ജെ എന്നിവർ പങ്കെടുത്തു.