മുട്ടം: മലങ്കര അണക്കെട്ടിൽ നടന്ന് വന്നിരുന്ന അറ്റകുറ്റപണികൾ അവസാനിച്ചു. ഇതേ തുടർന്ന് ഇന്നലെ വൈകിട്ട് മുതൽ അണക്കെട്ടിൽ ജലനിരപ്പ് ഉയർന്നു.അണക്കെട്ടിലെ പണികൾ അവസാനിച്ചതിനാൽ മൂലമറ്റം പവർ ഹൗസിൽ വൈദ്യുതി ഉത്പാദനവും വർദ്ധിപ്പിച്ചു. അണക്കെട്ടിൽ ഷട്ടറുകളുടെ ബീഡിംഗ് മാറ്റുന്ന ജോലികൾ നടത്തുന്നതിന് അണക്കെട്ടിൽ കഴിഞ്ഞ 17 ദിവസങ്ങളായിട്ട് ജലനിരപ്പ് 37.14 മീറ്ററായി താഴ്ത്തിയിരുന്നു. ഇതേ തുടർന്ന് വിവിധ തദ്ദേശ സ്വയംഭരണ സ്ഥാപന പ്രദേശങ്ങളിലെ കുടിവെളള പദ്ദതികളിൽ വെള്ളം തീരെ കുറയുകയും ഇത് വ്യാപകമായ ആക്ഷേപത്തിന് ഇടയാക്കുകയും ചെയ്തിരുന്നു.