ഓണത്തോടനുബന്ധിച്ച് ബന്ധുവീടുകളിലും മറ്റും അവധി ആഘോഷിക്കാൻ വീട് പൂട്ടി പോകുന്നവർ മോഷണവും മറ്റ് കുറ്റകൃത്യങ്ങളും തടയുന്നതിന് ഇനി പറയുന്ന കാര്യങ്ങൾ ശ്രദ്ധിക്കണമെന്ന് പൊലീസ് അറിയിച്ചു.

 വിലപിടിപ്പുള്ളവ ബാങ്ക് ലോക്കറിലേക്ക് മാറ്റുക

 വീടുകളുടെ പിൻവാതിലുകൾ ബലവത്താക്കുക

 കതകുകളും ജനലുകളും അടച്ചെന്ന് ഉറപ്പാക്കുക

 വിലപിടിപ്പുള്ളവ സൂക്ഷിക്കുന്ന മുറി അടച്ചിടുക

 വീടിന് പുറത്തും അടുക്കള ഭാഗത്തും രാത്രി വെളിച്ചമിടുക

 ആയുധങ്ങൾ,​ ഗോവണി എന്നിവ വീടിന് പുറത്തുവയ്ക്കരുത്

 വീടിനോട് ചേ‌ർന്നുള്ള കാടും പടർപ്പും വെട്ടിക്കളയുക

​ വീട്ടിലേക്ക് ചാഞ്ഞ് നിൽക്കുന്ന മരക്കൊമ്പുകൾ വെട്ടിമാറ്റുക

 ഗെയ്‌റ്റ് പൂട്ടണം,​ ബലക്ഷയമുണ്ടെങ്കിൽ ശക്തിപ്പെടുത്തുക

 വീടുമായി ബന്ധപ്പെടുന്നവരുടെ വിവരങ്ങൾ അറിയണം

 ജോലിക്കാരോട് സാമ്പത്തിക കാര്യങ്ങൾ സംസാരിക്കരുത്

 അയൽവാസികളുടെ ഫോൺ നമ്പറുകൾ വാങ്ങി വയ്ക്കുക

 ദിവസേന ബന്ധുക്കളും അയൽക്കാരുമായി ബന്ധപ്പെടുക

 കാണത്തക്കവിധം വിലപിടിപ്പുള്ള വസ്തുക്കൾ വയ്ക്കരുത്

 ദിനപത്രം,​ തപാൽ സാമഗ്രികൾ തുടങ്ങിയവ പരിസരത്ത് ഇടരുത്

 ഒന്നിൽ കൂടുതൽ ദിവസം വീട് പൂട്ടിയിട്ട് പോകേണ്ടി വന്നാൽ പൊലീസിന് വിവരം അറിയിക്കുക