കാപ്പ് : എസ്.എൻ.ഡി.പി യോഗം കാപ്പ് ശാഖയുടെയും വെങ്ങല്ലൂർ ശാഖയുടെയും സംയുക്ത ആഭിമുഖ്യത്തിൽ വെങ്ങല്ലൂർ ചെറായിക്കൽ ക്ഷേത്രാങ്കണത്തിൽ 21 ന് ശ്രീനാരായണ ഗുരുദേവന്റെ മഹാസമാധി ദിനാചരണം നടക്കും. രാവിലെ എട്ടിന് ഗുരുവന്ദനം,​ ഒമ്പതിന് മഹാസമാധി ദിവ്യപൂജ,​ ഉപവാസം,​ സമൂഹ പ്രാർത്ഥന,​ ഉച്ചയ്ക്ക് 12 ന് ഷൈലജ രവീന്ദ്രൻ (ശ്രീനാരായണ സേവാ നികേതൻ,​ കോട്ടയം)​ പ്രഭാഷണം നടത്തും. 3.20 ന് സമർപ്പണവും ഉപവാസ സമാപനവും,​ തുടർന്ന് അമൃത ഭോജനം എന്നിവ നടക്കുമെന്ന് ക്ഷേത്രം മാനേജർ അശോക് കുമാർ കെ.ആർ അറിയിച്ചു.

വണ്ണപ്പുറം: ശ്രീനാരായണ ഗുരുവിന്റെ മഹാസമാധി ദിനാചരണം 21 ന് വണ്ണപ്പുറം ശ്രീനാരായണ ഗുരുമന്ദിരത്തിൽ നടക്കും. രാവിലെ ആറിന് ഗുരുപൂജ,​ ഗുരുപുഷ്പാംഞ്ജലി,​ 10.30 ന് സമൂഹ പ്രാർത്ഥന,​ 12ന് മഹാസമാധി സമ്മേളനം എന്നിവ നടക്കും. ശാഖാ പ്രസിഡന്റ് ഷാജു പാറച്ചാലിന്റെ അദ്ധ്യക്ഷതയിൽ യോഗം ഡയറക്ടർ കെ.ഡി. ഷാജി കല്ലാറയിൽ ഉദ്ഘാടനം ചെയ്യും. ഷൈലജ രവീന്ദ്രൻ (ശ്രീനാരായണ സേവാ നികേതൻ,​ കോട്ടയം)​ പ്രഭാഷണം നടത്തും. 3.20 ന് മഹാസമാധി പൂജ,​ തുടർന്ന് അമൃതഭോജനം എന്നിവ നടക്കും.