ഇടുക്കി: വന്യജീവി വാരാഘോഷത്തോടനുബന്ധിച്ച് സ്‌കൂൾ, കോളേജ് വിദ്യാർത്ഥികളെ പങ്കെടുപ്പിച്ച് ഒക്‌ടോബർ രണ്ടു മുതൽ എട്ട് വരെ വിവിധ മത്സരങ്ങൾ നടത്തും. ഒക്‌ടോബർ 2, 3 തീയതികളിലായി ജില്ലാതല മത്സരങ്ങളും എട്ടിന് സംസ്ഥാനതല മത്സരങ്ങളും നടത്തും. ജില്ലാതലത്തിൽ ഒന്നും, രണ്ടും, മൂന്നും സ്ഥാനങ്ങൾ നേടുന്നവർക്ക് യഥാക്രമം 2000, 1000, 500 രൂപ വീതവും സംസ്ഥാനതലത്തിൽ ഒന്നും രണ്ടും മൂന്നും സ്ഥാനങ്ങൾ നേടുന്നവർക്ക് യഥാക്രമം 5000, 3000, 1500 രൂപ വീതവും ക്യാഷ് അവാർഡും സർട്ടിഫിക്കറ്റും റോളിംഗ് ട്രോഫിയും സമ്മാനിക്കും. ഇടുക്കി ജില്ലാതല മത്സരങ്ങൾ കട്ടപ്പന ഗവ. ട്രൈബൽ ഹൈസ്‌കൂളിൽ ഒക്‌ടോബൽ രണ്ട്, മൂന്ന് തീയതികളിൽ നടത്തും. അംഗീകാരമുള്ള വിദ്യാഭ്യാസ സ്ഥാപനത്തിൽ നിന്ന് അധികാരികളുടെ സാക്ഷ്യപ്പെടുത്തലോടുകൂടിയെത്തുന്ന രണ്ട് പേർക്ക് വീതം ഓരോ വിഭാഗത്തിലും പങ്കെടുക്കാം. കൂടുതൽ വിവരങ്ങൾ ഇടുക്കി സോഷ്യൽ ഫോറസ്ട്രി ഡിവിഷൻ ഓഫീസിൽ നിന്ന് നേരിട്ടോ ഫോൺ മുഖാന്തിരമോ അറിയാം. ഫോൺ: 04862 232505, 9447979142.